web counter
LEXO PA REKLAMA!

SHKARKO APP

App Store
Google Play

Qeveria merr në "dorë" Ujësjellësit/ Balluku: Do të ndryshojë menaxhimi

22 Qershor 2022, 14:40, Aktualitet CNA
Qeveria merr në "dorë" Ujësjellësit/ Balluku: Do
Ministrja Belinda Balluku në Sarandë

Ministrja e Infrastrukturës dhe Energjetikës, Belinda Balluku, ka inspektuar punimet e rrjetit të ri të Ujësjellësit në Sarandë, i cili do të furnizojë me ujë të pijshëm dy lagje të këtij qyteti.

Ndër të tjera Balluku theksoi se punimet në këtë zonë nuk duhet të ndalojnë pasi gjendja është alarmante.

“Kemi parasysh se ne nuk kërkojmë lëvizje të automjeteve të rënda. Këtu situata është alarmante duhet thënë. Unë do të sugjeroja që punimet të mos ndalojnë, sepse është e rëndësishme të mbyllet si projekt”, tha Balluku.

Ndërkaq, ministrja diskutoi rreth reformës së re që është nisur. Balluku theksoi se janë zhvilluar bisedimet edhe kryetarët e bashkive dhe VKM ka kaluar.

Ministrja bëri me dije se shteti do të marrë në pronësi më shumë se 50% të aksioneve të secilës nga ndërmarrjet e ujësjellësit duke i dhënë kështu paketën kontrolluese për sa i përket vendimmarrjes.

"Unë do të përfitoj nga rasti për të diskutuar për sa i përket reformës që kemi nisur. Është bërë biseda më të gjithë kryetarët e bashkive, tashmë VKM ka kaluar. Shteti merr në pronësi  mbi 50 për qind të aksioneve të secilës nga ndërmarrjet e ujësjellësit duke i dhënë kështu paketën kontrolluese për sa i përket vendimmarrjes.

Të gjitha bashkitë dhe drejtoritë ekzistuese janë shumë të rëndësishme si pjesë e procesit. Nuk parashikohet që të ketë ndonjë ndryshim për sa i përket shërbimit në qytete, por menaxhimi do të jetë ndryshe”, tha Balluku./ CNA.al





Lajmet e fundit nga