web counter
LEXO PA REKLAMA!

SHKARKO APP

App Store
Google Play

E fundit!

x

“Përse rruga e Kombit s’përfundoi në Durrës!”/ Panariti: Marrëveshjet me Kosovën të merren seriozisht

21 Qershor 2022, 20:28, Aktualitet CNA
“Përse rruga e Kombit s’përfundoi në
Edmond Panariti

Ish-ministri i Jashtëm, Edmond Panariti, ka komentuar takimin mes qeverisë shqiptare dhe asaj kosovare duke u ndalur edhe te nënshkrimi i marrëveshjeve mes tyre.

Panariti tha se me rëndësi nuk është vetëm nënshkrimi i marrëveshjeve, duke shtuar se puna ka çaluar te ndjekja e tyre.

“Marrëveshja kërkon procedura teknike, për të ndjekur çdo hap të finalizimit. Pra, marrëveshja kërkon një ndjekje dhe kjo është diferenca me referendumin. Prandaj qeveritë duhet të kenë edhe grupe që ta ndjekin implementimin e marrëveshjes, për të parë se si është ecur.

Nuk do të doja që këto të kishin minimumin e një farse, mendoj që janë marrëveshje që duhet të merren seriozisht. Ne kemi çaluar pasi nuk bëjmë ndjekje, ne i nënshkruajmë dhe grupet e punës janë të plogësht për t’u mbledhur për të ndjekur avancimin e projekteve dhe të raportohet. Përpara se të nënshkruhen marrëveshjet e radhës të jepet llogari se çfarë është arritur”, tha ai.

Duke u ndalur te projekti për hekurudhë të përbashkët, Panariti tha: "Kurrë nuk e kam kuptuar përse rruga e Kombit nuk përfundoi në Durrës. Ky ka qenë opinion i imi. Kjo do t’i jepte edhe më shumë vlerë. Tani me këtë projekt që është një linjë hekurudhore shpresoj që të përcaktohen elementë teknikë se kush do të jetë modeli më i mirë i kësaj linje hekurudhore. Shpresoj të realizohet sa më parë. Porti i Durrësit do të merrte peshën reale për të qenë kontributor i rëndësishëm zhvillimi i Shqipërisë dhe Kosovës./E.T-CNA.al





Lajmet e fundit nga