Deputetja e Partisë Demokratike, Jorida Tabaku duket se e ...
Bëri “kurban” sekretarin për dështimin e satelitëve/ Hoxha ironizon Ramën: Po e sabotojnë liderin global
21 Qershor 2022, 13:50, AktualitetCNA
Gazetari Artan Hoxha
Gazetari Artan Hoxha ka ironizuar kryeministrin Edi Rama, pas lajmit të publikuar sot në media, sipas të cilit Sekretari i Përgjithshëm i Ministrisë së Mbrojtjes është shkarkuar nga detyra, pasi nuk arriti të realizojë ngritjen e dy satelitëve.
Në një postim në rrjetet sociale, Artan Hoxha, ndërsa ironizon Ramën, shkruan se një fuqi madhore po e sabotonte liderin global.
"Dukej kjo punë, një fuqi madhore po e sabotonte liderin global!!!
Ai zakonisht e mban fjalën!!!
Çfarë thotë, e bën…
Ndërsa ne vdekatarët, po presim me padurim, të shohim si vërdallisen në stratosferë, satelitet Albania-1 dhe Albania-2, grupi sabotatoro-agjenturor paska penetruar në zemër të forcave tona të armatosura, duke penguar lëshimin e sateliteve rreth planetit në datën e premtuar nga lideri ynë…
Pas zbulimit të motrës së Nuredin Dumanit në radhet e Ministrisë së Jashtme, të paisur me çertifikatë sigurie të nivelit të NATO-s, zbulimi i sekretarit të përgjithshem të Ministrisë së Mbrojtjes, është rasti i dytë brenda pak ditësh, që dëshmon se:
'Ne në gojë të ujkut hedhim valle'…????????????
Nuk thoshte kot komandanti i para viteve ‘90-të:
Armiku i brendshëm është më i rrezikshëm se armiku i jashtëm…
Gjithësesi, armiqtë që na kanë hale në sy, na marrshin të keqen.
Nuk do të jetë e largët dita, kur nga satelitet Albania-1 dhe Albania-2, ne do të shohim sa bukur duken resortet luksoze në Palasë, Dhërmi, Laguna Blu, Gjirin e Lalzit apo rrotull TEG-ut…????????????”-shkruan Artan Hoxha./CNA.al
