web counter
LEXO PA REKLAMA!

SHKARKO APP

App Store
Google Play

E fundit!

x

Shkullaku: Reforma në drejtësi e kontrolluar nga Rama, kryekëput e komanduar

20 Qershor 2022, 22:56, Aktualitet CNA
Shkullaku: Reforma në drejtësi e kontrolluar nga Rama, kryekëput
Analisti Armand Shkullaku

Analisti Armand Shkullaku në "Të Paekspozuarit", ka komentuar lidhur me reformën në drejtësi për të cilën deklaroi se ajo nuk ishte për të përmirësuar drejtësinë, por për të krijuar një kaos.

Ai tha nëse kjo reformë i ka shërbyer mazhorancës dhe se sipas tij është kryekëput e komanduar.

"Komisioni i Venecias thoshte që kjo reformë në drejtësi është për një shtet në situatë të jashtëzakonshme dhe thoshte bëni kujdes sepse shumë shpejt do ju krijojë vakanca në krijimin e institucioneve të drejtësisë. Bënte shumë paralajmërime që nuk u morën parasysh sepse qëllimi i mazhorancës nuk ishte për të përmirësuar drejtësinë, por për të krijuar një kaos. Këtu po na bëhet sikur jemi Amerika e viteve ‘30 në gjendje emergjente dhe duhet të ekzekutojmë të korruptuarit.

Problemi është njerëzit a marrin dot drejtësi, kjo i ka shërbyer mazhorancës, drejtësi nuk ka nuk po funksionon, dhe vetë Kim e ka s’postuar reformën në drejtësi në dy terma, lufta kundër krimit dhe korrupsionit. Ata që votojnë dhe caktojnë fatin e një gjyqtari apo prokurori s’kanë përgatitjen e duhur për ta bërë këtë. Këtë reformë e kontrollon Rama, Xhafaj, kjo është drejtësi e komanduar. Në ketë reformë kemi arritur rekorde që një gjyqtar të betohet tek ura e Lanës dhe mazhoranca mori guximin që këtë ta bënte dhe ligj, është një reformë kryekëput e komanduar", tha Shkullaku./CNA.al





Lajmet e fundit nga