web counter
LEXO PA REKLAMA!

SHKARKO APP

App Store
Google Play

Artan Hoxha flet për arrestimin e Agim Kajmakut/ Si u mbajt nën vëzhgim nga policia italiane

20 Qershor 2022, 22:52, Aktualitet CNA
Artan Hoxha flet për arrestimin e Agim Kajmakut/ Si u mbajt nën
Gazetari Artan Hoxha

Gazetari Artan Hoxha ka folur për operacionin e autoriteteve italiane për arrestimin e ish-kryebashkiakut të Vorës, Agim Kajmaku.

Hoxha tha se hetimi ka nisur disa kohë përpara vënies në pranga, por theksoi se policia italiane ka pritur ta kapë duke transportuar kokainë.

“Është arrestuar më 27 maj dhe në Shqipëri lajmi ka dalë dy javë më mbrapa. Është një hetim që ka nisur përpara. Ai ka qenë i ndjekur nga policia italiane. Policia italiane e ka pasur nën mbikëqyrje, por nuk po gjenin si ata e transportonin kokainën.

Ai merrte fidanët. Dhe pastaj ndërronte vazot. Nëse vazot ishin të holla ai i vendoste në vazo më të trasha. Italianët e dinin. Ata po i ruanin që t’i kapnin me lëndën narkotike. Kajmaku është mbajtur nën vëzhgim bashkë me nipin e tij.

Është kapur me 20 kg kokainë. E pastër që kishte ardhur nga Ekuadori. Ajo ka një çmim shumice. Nga Shqipëria ka destinacione të tjera ku çohet kokaina. Ka raste kur kokaina vjen në Shqipëri dhe çohet me pakicë në vendet e tjera. Në rastin konkret ajo me çmimin e zbarkimit në port shkon diku te 540 mijë shumica”, deklaroi gazetari në "Opinion"./ B.A. - CNA.al





Lajmet e fundit nga