web counter
LEXO PA REKLAMA!

SHKARKO APP

App Store
Google Play

Çështja e Butrintit/ Meta, “kusht” qeverisë

21 Qershor 2022, 11:45, Aktualitet CNA
Çështja e Butrintit/ Meta, “kusht” qeverisë
Ilir Meta, president

Presidenti Ilir Meta, në një deklaratë për shtyp, ka renditur arsyet e kërkesës së rishqyrtimit të çështjes së administrimit dhe menaxhimit të Butrintit.

Presidenti theksoi se marrëveshja nuk është në përputhje me aktet ndërkombëtare.

Në deklaratën e tij, Meta tha se Butrinti është një pasuri me vlera universale dhe nuk mund t’u kalojë OJF-ve. Gjithashtu kërkoi nga qeveria që të tërheqë marrëveshjen.

"Është detyrim i shtetit shqiptar ruajtja e tij. Parku Kombëtar i Butrintit është një pasuri e paluajtshme. Përgjegjësia e ruajtjes dhe administrimit të pasurive nuk mund të kalojë në një organizëm shoqëror siç janë OJF-të. Nuk parashikohet që këto fondacione të kenë të drejtë administrimi. Shteti nëse do të aplikojë këtë formë të re administrimi do duhej të ruante në mënyrë të palëkundur interesat vendimmarrëse. Një tjetër e metë është fakti për dhënien e titullit partner strategjik.

Kam vlerësuar se kjo çështje duhet të shqyrtohet me kujdes maksimal nga Kuvendi i Shqipërisë. Për një pasuri të tillë duhet të ishte marrë e gjithë ekspertiza e zyrës së UNESCOS. Ka mungesë transparencë. Asgjë e keqe nuk mund t’i vijë Kuvendit nga diskutimi për këtë trashëgimi tonën"- tha Meta./ CNA.al





Lajmet e fundit nga