LEXO PA REKLAMA!

SHKARKO APP

App Store
Google Play

“Pas burrit, kunata e ministres, investitore strategjike”/ Shehaj: Rama i dha pronën publike Xhaçkës!

21 Qershor 2022, 18:35, Aktualitet CNA
“Pas burrit, kunata e ministres, investitore strategjike”/ Shehaj:
Deputeti i PD-së, Agron Shehaj

Deputeti i PD-së, Agron Shehaj, ka folur për skandalin e radhës të denoncuar ndaj qeverisë së Edi Ramës, pasi ka shpallur si investitor strategjik burrin e ministres Olta Xhaçka, i cili ka marrë një kontratë duke përfituar tokë publike për të ndërtuar një resort prej 5 milionë eurosh në Dhërmi.

Shehaj, i ftuar në "Task Force" në "Syri TV" ka theksuar shkeljet kushtetuese nga dhënia e pronës publike në Dhërmi, burrit të ministres Olta Xhaçkës, i cili është në konflikt të pastër interesi, duke sqaruar edhe praktikën e ndjekur.

"Regimi i ministres Xhaçka në parlament ishte fyes më së shumti ndaj meje. Jo nuk di, jo nuk ke. Ministrja duhet t'i ishte përgjigjur vetëm një pyetjeje, a është kunata e saj përfituesja e kësaj toke publike nga kompania e bashkëjetueses së vëllait?

Unë e kuptoj se ajo është në shkelje totale të ligjit.

Në marsin e vitit të kaluar Rama shpall vendimin se Artan Gaçi ishte investitor publik, pra burri i ministres Olta Xhaçka. Në fillim ka dalë kompania e burrit të Olta Xhaçkës me të gjitha kriteret e shpallura nga Rama si investitor strategjik. E thotë vetë Artan Gaçi në një intervistë për 'Birn' se kompanisë së tij i shtojnë një hotel menaxhment, në të njëjtën zyrë në emër të një investitori amerikan dhe kërkojnë ndryshimin e parë të Ramës dhe të shtojë kompaninë e kësaj shtetaseje amerikane si investitore amerikane dhe ai e pranon vetë se e ka bërë për të shmangur konfliktin e interesit.

Pasi e shpallën investitor strategjik edhe kunatën, Rama merr vendimin për t'i kaluar pronën publike kunatës së Xhaçkës. Pra, Rama mbledh ministrat dhe i kalon pronën një ministreje. Provat janë në letra. Ne nuk dimë nëse ishte Rama në dijeni se përfituesi ministrja e kabinetit të tij? Sepse po të jetë në dijeni pastaj është edhe më e rëndë", u shpreh Shehaj. 

 

 

Lajmet e fundit nga