LEXO PA REKLAMA!

SHKARKO APP

E fundit!

x

S’kanë fund “çudirat” në Ministrinë e Jashtme/ Pas skandalit me motrën e Dumanit, regjistrohet një tjetër shkelje

21 Qershor 2022, 16:18, Aktualitet CNA
S’kanë fund “çudirat” në Ministrinë e
Ministria e Jashtme

Duket se “çudirat” në Ministrinë e Jashtme nuk kanë fund.

Pas skandalit të denoncuar nga CNA.al me motrën e Nuredin Dumanit, së cilës i dhanë certifikatën e sigurisë në një kohë kur vëllai i saj po dëshmonte para prokurorëve të SPAK-ut të gjitha krimet që kishte kryer, një tjetër çudi duket se po ndodh.

Në redaksinë e CNA.al ka mbërritur një denoncim nga një qytetar, i cili banon në një pallat ngjitur me Ministrinë e Jashtme.

Sipas denoncuesit, brenda këtij institucioni ekziston një lavazh makinash, jashtë çdo norme mjedisore dhe leje shfrytëzimi.

Qytetari shprehet se larja e makinave fillon që prej orësh 05:00 të mëngjesit e deri në orët e vona të natës, duke shpërdoruar edhe ujin e pijshëm për të cilin banorët e kryeqytetit vuajnë çdo ditë.

Ankesa për këtë skandal është dërguar deri te ministrja Olta Xhaçka, së cilës i kanë shkruar banorët e pallatit ngjitur, por sipas tyre ata janë përballur me arrogancë nga ana e zyrtarëve./CNA.al

Lajmet e fundit nga