web counter
LEXO PA REKLAMA!

SHKARKO APP

App Store
Google Play

Kumbaro i kundërpërgjigjet Metës/ “Butrinti” mbetet nën administrimin e shtetit

22 Qershor 2022, 10:03, Aktualitet CNA
Kumbaro i kundërpërgjigjet Metës/ “Butrinti” mbetet
Ministrja, Mirela Kumbaro

Ministrja e Turizmit dhe Mjedisit, Mirela Kumbaro, ka reaguar pas deklaratave të Presidentit Ilir Meta në lidhje me administrimin dhe menaxhimin e parkut të Butrintit.

Kumbaro, në reagimin e saj, është shprehur se shteti nuk heq dorë nga asnjë përgjegjësi ndaj Parkut Kombëtar të Butrintit.

“E konsideroj këtë deklaratë të pasaktë, të pavërtetë. Shteti nuk heq dorë nga asnjë përgjegjësi kur flitet për trashëgimitë kulturore publike. Edhe nëse në arën e një bujku që është pronë private e bujkut dhe gjatë gërmimeve dalin vepra arkeologjike, ato janë me ligj pronë publike. Në të njëjtin ligj parashikohen dy forma të administrimit: direkte dhe indirekte. Direkte janë forma si parku i Apolonisë, Teatri i Operas dhe Baletit apo të tjera, me varësi nga Ministria e Kulturës. Është edhe një formë tjetër që janë fondacionet të cilat janë e drejtë e çdo institucioni kulturor të pushtetit lokal apo qendror, të krijojnë fondacione kulturore që të tërheqin dhe fonde të tjera. Meqë përmendi Koventën e Parisit të Trashëgimisë Kulturore Presidenti, i kujtoj atij nenin 17 të kësaj konvente, i cili thotë: 'Neni 17 parashikon se shtetet palë të kësaj Konvente do të konsiderojnë dhe inkurajojnë themelimin e fondacioneve ose shoqatave vendase publike dhe private, qëllimi i të cilave është të ftojnë donacione për mbrojtjen e pasurisë kulturore dhe natyrore të përcaktuar në nenet 1 dhe 2 të Konventës'. Fondacioni është rasti kur dhurohen para për një destinacion të caktuar kulturor, me qëllime jo fitimprurëse. Butrinti nuk i është dhënë askujt, Ministria e Kulturës mbetet administratore e patjetërsueshme e parkut të Butrintit. Kjo nuk i heq Ministrisë së Kulturës asnjë atribut për menaxhimin e parkut”, ka thënë më tej Ministrja e Turizmit dhe Mjedisit, Mirela Kumbaro./ CNA.al





Lajmet e fundit nga