LEXO PA REKLAMA!

SHKARKO APP

Padia e Kokalarit/ Gjykatat janë të Ramës kur padit Këlliçi, nuk janë të Ramës kur padit Evi?!

21 Qershor 2022, 22:14, Aktualitet CNA
Padia e Kokalarit/ Gjykatat janë të Ramës kur padit
Evi Kokalari

Me anë të një komenti avokatja e Evi Kokalarit, e cila falënderohet vazhdimisht prej saj, një nga personazhet e përdorura në Tiranë, Endira Bushati, ka reaguar dje pas padisë së Këlliçit.

Sipas saj, Këlliçi po kërkon drejtësi në gjykatat e Edi Ramës.

"Ne themi se gjykatat janë nën kontrollin e Edi Ramës….….e përsëri Belind Këlliçi preferon t’u drejtohet gjykatave të Edi Ramës për të fituar një debat politiko-partiak mbi Evi Kokalarin", komenton Bushati.

Por, kujtojmë se zonja Kokalari në këto gjykata të Edi Ramës, paditi në nëntor të 2021-shit, deputetin Ervin Salianji, shpalli me të madhe fitoren ndaj tij dhe drejtësinë që u bë në padinë e saj kundër Salianjit në mars 2022. 

Kur shpalli këtë fitore ndaj Salianjit, nuk ishin SPAK-u dhe gjykatat e Edi Ramës?!

Apo gjykatat janë të Ramës kur padit Këlliçi dhe nuk janë të Ramës kur padit Evi?!

Por me sa duket zonja kërkon të shpëtojë nga padia duke u shprehur se ajo është politike, në fakt e di shumë mirë se në Gjykatën e Tiranës për të nuk është depozituar asnjë padi për akuza politike, por për akuzat penale.

Zonja Kokalari ka deklaruar se Belind Këlliçi ka marrë 1 milion dollarë në fushatë dhe se ka lidhje me botën e krimit. Këto janë akuzat që ajo duhet të sqarojë dhe vërtetojë në dyert e Gjykatës së Tiranës.  

Cilat janë lidhje me krimin? Si do të sqarohen këto? Se këto nuk janë akuza politike, këto janë akuza penale.

Gjithashtu po i kujtojmë zonjës se ajo ka kërcënuar edhe mediat, konkretisht CNA.al dhe stafin e gazetarëve, duke i quajtur gjobaxhinj dhe idiotë, këto nuk janë akuza politike, këto janë akuza publike penale, të cilat zonja gjithashtu duhet t'i sqarojë dhe t'i vërtetojë.

Ne e  kuptojmë se zonja nuk di nga t’ia mbajë tani dhe kërkon që t'i quajë këto akuza politike dhe do të shpëtojë nga situata.
Zonja ka vetëm një mënyrë të shpëtojë nga paditë, të kërkojë ndjesë publike dhe të marrë përsipër kostot e faturave. Por problemi nuk qëndron te drejtësia shqiptare e Edi Ramës, ajo është hiç asgjë, problemi i saj është me lobimet që ka bërë në Shqipëri dhe deklarimet që duhet të bëjë para institucioneve amerikane.

Duket qartë që Evi Kokalari problemin e ka me drejtësinë amerikane, sepse ka ardhur në Shqipëri, nga shtatori i vitit të shkuar dhe deri në muajin maj të këtij viti, ka lobuar dhe nuk ka deklaruar asnjë shpenzim dhe burimin e të ardhurave atje./CNA.al

Padia e Kokalarit/ Gjykatat janë të Ramës kur padit

 

Padia e Kokalarit/ Gjykatat janë të Ramës kur padit

Lajmet e fundit nga