LEXO PA REKLAMA!

SHKARKO APP

ISHMT bllokon certifikimin e ashensorëve/ “Mbahen peng” firmat e ndërtimit

21 Qershor 2022, 21:01, Aktualitet CNA
ISHMT bllokon certifikimin e ashensorëve/ “Mbahen peng” firmat
Foto ilustruese - ashensor

Prej rreth tre muajsh, firmat e ndërtimit dhe administratorët e pallateve dhe ashensorëve po përballen me një problem shqetësues.

Në redaksinë e CNA.al ka mbërritur denoncimi se Inspektorati Shtetëror i Mbikëqyrjes së Tregut ka bllokuar certifikimin e ashensorëve.

Pas ndryshimit të një pjese të stafit dhe kryeinspektorit të ISHMT-së, denoncuesi deklaron se është hasur një ngërç në regjistrimin e ashensorëve.

Në emër të ligjit, firmat e ndërtimit dhe administratorët po sorollaten me dokumentacione nëpër zyra dhe nuk po gjejnë zgjidhje për regjistrimin e ashensorëve.

Inspektorati u kërkon kompanive një “checklist”, por këta të fundit pretendojnë se nuk i takon me ligj ISHMT-së që t’i kontollojë.

Kompanitë që bëjnë certifikimin deklarojnë se po zbatojnë ligjin, e ndërsa të njëjtën gjë thotë edhe Inspektorati.

Kompanitë e certifikimit nuk pranojnë të kontrollohen nga ISHMT, pasi shprehen se kontrollohen nga Drejtoria e Përgjithshme e Akreditimit dhe kjo gjë ka sjellë një ngërç.

Kjo ka bërë që firmat e ndërtimit të mbeten peng, duke qenë se nuk mund të dorëzojnë dot pallatet pa certifikuar ashensorët./ B.A. - CNA.al

Lajmet e fundit nga