web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Gazetari zbulon si u frenuan arrestimet e disa kryebashkiakëve

21 Qershor 2022, 22:09, Aktualitet CNA
Afera e inceneratorëve/ Gazetari zbulon si u frenuan arrestimet e disa
Elvi Fundo

Gazetari dhe editori i CNA.al, Elvi Fundo, ka folur sonte në “A show” për aferën e inceneratorëve.

Ai tha se SPAK-u ka bërë një punë të ngadaltë dhe nën presion, pasi ka pasur kërkesa për arrestime kryetarë bashkishë, për shkak të ndërhyrjeve të forta politike.

Nëse dosja do të hapej deri në fund, do të dilnin informacione të tjera, pasi koka e vërtetë nuk është ish-ministri Lefter Koka, por ai ndodhet në godinën e kryeministrisë, shtoi ai.

“Në rast se prokurorët do të ishin independent, sot ne këto dokumente nuk do t'i nxirrnim, por unë shpresoj se aty ka njerëz të përgjegjshëm.

Nëse unë i gjej këto dokumente, SPAK-u duhet t'i kishte pasur më përpara.

SPAK-u ka bërë një punë të mirë, por të ngadaltë, nën presion me sa di unë.

Kanë çuar kërkesa për arrestime kryetarësh bashkishë, por janë frenuar deri këtu ku janë për shkak të ndërhyrjeve të forta politike, për shkak se po të hapej dosja deri në fund do të ketë avaze të tjera.

Nuk mendoj se Llefter Koka është koka e kësaj gjëje. Koka ndodhet në godinën e Kryeministrisë.

Koka është që nga Engjëll Agaçi që ka bërë 14 vendime në ditë nga vullneti i kryeministrit i cili na tha unë i marr dosjet dhe i firmos.

Seç ndodh me 600 milionë euro, nga të cilët 430 është kontrata 30 vjeçare, por në fakt vlera reale është shumë më e lartë apo pasojat që ka dhënë kjo puna e inceneratorëve në Tiranë, jo vetëm në Shqipëri, sepse nga Tirana kanë shkuar në Afrikë dhe në Lindjen e Mesme. Kanë shkuar në Zimbabve”, tha Fundo./CNA.al





Lajmet e fundit nga