Kuvendi nis procedurat për zgjedhjen e Avokatit të Popullit/ Zbardhen emrat që janë në garë

22 Qershor 2022, 17:25, Aktualitet CNA
Kuvendi nis procedurat për zgjedhjen e Avokatit të Popullit/ Zbardhen
Avokati i Popullit

Kuvendi ka nisur procedurat për zgjedhjen e Avokatit të ri të Popullit.

Avokates në detyrë, Erinda Ballanca, i ka përfunduar mandati i plotë 5-vjeçar që prej muajit maj të këtij viti. Por kjo e fundit, kërkon të marrë një tjetër mandat, pasi është një nga emrat në garë.

Sipas ligjit, për Avokat Populli mund të kandidojë çdo shqiptar që njeh ligjin, që nuk është i dënuar penalisht dhe nuk është deputet i Kuvendit.

Ata fillimisht pyeten në seanca dëgjimore nga komisioni i ligjeve, që verifikon përmbushjen e kritereve për kandidim.

Në fund të seancave dëgjimore, Komisioni miraton një listë me kandidatët dhe vlerësimet përkatëse për ta.

Ata që i përmbushin kriteret ligjore, duhet të marrin edhe mbështetjen e të paktën 28 deputetëve për të qenë zyrtarisht kandidat për Avokat Populli.

Parlamenti zgjedh fituesin me 84 vota në seancë plenare.

Më poshtë janë emrat kandidatë për Avokatin e Popullit:

Jordan Daci

Evis Fico

Erinda Ballanca

Bledar Dervishaj

Ahmet Premçi

Endri Papajorgji

Brikena Kasmi

Boriana Nikolla

Altin Goxhaj

Ermir Kapedani

Olta Aliaj

Jorida Rustemi

Drita Avdyli

Ledio Braho./CNA.al

Lajmet e fundit nga