Ngjarjet kriminale/ Ish-prokurori: Shqipëria përdoret nga Ekuadori dhe Kolumbia si tranzit për kokainën

22 Qershor 2022, 22:40, Aktualitet CNA
Ngjarjet kriminale/ Ish-prokurori: Shqipëria përdoret nga Ekuadori dhe
Ish-prokurori Eugen Beci

Ish-prokurori Eugen Beci ka folur mbrëmjen e sotme për luftën e bandave të drogës në Amerikën Latine ku mes trafikantëve ka edhe shqiptarë.

Ai pohoi në emisionin “Open” se Shqipëria përdoret nga vende si Ekuadori dhe Kolumbia si vend tranzit për kokainën, ndërsa shumë prej ngjarjeve kriminale pastaj ndodhin në vendin tonë.

Sipas tij, ka personazhe që ende nuk i di se ekzistojnë dhe ato të krijojnë ngjarje kriminale në Shqipëri.

“Shqiptarët nga hetimet e përbashkëta shqiptare dhe DEA-s me vendet e Amerikës së Jugut, kanë realizuar dhe kanë treguar rrugën se si bëhet trafiku. Në vendet si Kolumbia dhe Ekuadori përdorin Shqipërinë si vend tranzitimi dhe kjo ka lidhje me të gjitha llojet e trafikut. Duhet të kuptojmë se gazetarët e kronikës po diskutojnë dhe flasin për mungesën e informacioneve për këto personazhe.

Këto skena e kanë vënë policinë shqiptare dhe prokurorinë përballë sfidave. Ke personazhe që ende nuk e di se ekzistojnë dhe ato të krijojnë ngjarje kriminale në Shqipëri. Vjet me sa kam parë nga zhvillimet janë zhvilluar 6 operacione dhe janë arrestuar 21 shtetas, me ndërhyrjen e DEA-s. Duke nënkuptuar se si funksionon tranzitimi i kokainës, duhet të kuptojmë dhe pasojat. Në Tiranë thuhet një fjalë; shtama në Mal të Dajtit, laget këmba te 9-katëshet. Ndodhin ngjarjet atje, dhe vriten këtu p.sh.”, tha ai./CNA.al

Lajmet e fundit nga