E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Negociatat me Shqipërinë dhe Maqedoninë e Veriut/ Petkov gjen “fajtorin”, ia kalon “stafetën” Parlamentit

23 Qershor 2022, 12:08, Aktualitet CNA

Negociatat me Shqipërinë dhe Maqedoninë e Veriut/ Petkov gjen

Kryeministri bullgar, Kiril Petkov, duket se ka dhënë sinjale negative sot në lidhje me çeljen e negociatave për Shqipërinë dhe Maqedoninë e Veriut.

Kiril Petkov ka deklaruar se nuk kishte asnjë shans që Bullgaria të hiqte veton ndaj Maqedonisë së Veriut gjatë këtij samiti të BE-së, por la të kuptohet se një zgjidhje mund të jetë e afërt në ditët në vijim.

Petkov, tani në cilësinë e ish-kryeministrit, i qëndron mendimit të tij se parlamenti duhet të miratojë një rezolutë që lejon heqjen e vetos, bazuar në miratimin e propozimit të Presidencës franceze.

Petkov tha se i pëlqente “personalisht” propozimi francez, por nuk i takonte atij, por parlamentit të merrte një qëndrim.

Duke folur me gazetarët në pragun e samitit të BE-së, Petkov shpjegoi se parlamenti bullgar jepte dritën jeshile për heqjen e vetos dhe vetëm atëherë ai do të bënte lëvizjen e tij që duhet të jetë e qëndrueshme me kalimin e kohës, pavarësisht se kush qeveris.

“Kjo është ajo që do t’u them liderëve të BE-së”, tha ai.

Ai shpjegoi se opozita bullgare përdori çështjen maqedonase për ta shantazhuar kabinetin e tij sa herë që kishin frikë.

Po ashtu ai ka sulmuar drejtpërdrejt paraardhësin e tij Bojko Borisov, si njeriun që po mban peng integrimin e Ballkanit Perëndimor.

“Është personi më i pandershëm që njoh, në mëngjes thotë se dëshiron të mbështesë hyrjen e Maqedonisë së Veriut në Bashkimin Europian, duke marrë një vendim të rëndësishëm dhe pasdite bllokon punën. Kjo lojë e dyfishtë, duke thënë një gjë dhe duke bërë një tjetër, ishte normale vitet e fundit kur Borisov ishte kryeministër, edhe pse e kemi harruar në gjashtë muajt e fundit. Nuk do të ndryshojë kurrë”, tha Petkov në nisje të samitit të BE-së.