web counter
LEXO PA REKLAMA!

SHKARKO APP

App Store
Google Play

Operacionet qesharake të Policisë/ Me dronë e helikopterë përfundojnë duke djegur shkurre

24 Qershor 2022, 09:54, Aktualitet CNA
Operacionet qesharake të Policisë/ Me dronë e helikopterë
Foto ilustruese

Policia raporton operacione të suksesshme në luftën kundër drogës, por në njoftimet e shpërndara për media nuk ka asnjë rezultat.

Të ashtuquajturat operacione antikanabis finalizohen duke shpallur një person në kërkim dhe duke djegur ca shkurre, sipas fotove që dërgon Policia.

Dhe as nuk saktësohet sa ka qenë sasia e kanabisit të asgjësuar, sa ishte sipërfaqja e mbjellë, duke tentuar kështu të hedhin mjegull se po punojnë në këtë drejtim.

Jo më larg, por sot në mëngjes, policia njofton mediat se ka zhvilluar dy operacione, madje të koduara, në Velipojë, për të goditur rastet e kultivimit të lëndëve narkotike.

Operacionet qesharake të Policisë/ Me dronë e helikopterë

“Zhvillohen 2 operacione masive kontrolli, të koduar 'Vilu' dhe 'Obot', në kuadër të të cilëve u evidentuan dhe u goditën 2 raste të kultivimit të bimëve narkotike.

Gjatë operacioneve, janë shpallur në kërkim 2 autorët e dyshuar të këtyre veprimtarive kriminale, të cilët, për shkak të terrenit të pyllëzuar, kanë mundur të largohen nga vendet ku kultivonin bimët narkotike.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Shkodër kanë vijuar kontrollet e imtësishme të territorit, nga toka dhe nga ajri, duke përdorur edhe drone”, njofton Policia.

Në një kohë që droga ka mbërthyer vendin, hyn e del nga Porti i Durrësit dhe jo vetëm, policia shpik operacione të sofistikuara me dronë e helikopterë, por rezultatet janë qesharake. Duke bërë foto që ta trumbetojnë si sukses ndonjë ditë mund t'i vënë zjarrin pyllit./CNA.al





Lajmet e fundit nga