web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave/ Parlamenti bullgar voton për heqjen e Vetos për Maqedoninë e Veriut

24 Qershor 2022, 13:02, Aktualitet CNA
Çelja e negociatave/ Parlamenti bullgar voton për heqjen e Vetos
Foto ilustruese

Parlamenti bullgar ka miratuar propozimin e Presidencës franceze të Këshillit të BE-së për fillimin e negociatave për anëtarësimin e Maqedonisë së Veriut në BE.

Me 170 vota pro, 37 kundër dhe 21 abstenim, ligjvënësit bullgarë votuan që të heqin VETO-n ndaj Maqedonisë së Veriut, sipas kushteve të propozimit të Presidencës franceze.

Kjo është bërë përmes një projektvendimi të dorëzuar nga bashkëkryetari i “Bullgarisë Demokratike” Hristo Ivanov, në të cilin thuhet se, “Bullgaria do të mbështesë çdo hap të procesit të integrimit europian të Republikës së Maqedonisë së Veriut në specifikimin e kornizës negociuese dhe konkluzioneve të Këshillit për të siguruar përfshirjen e bullgarëve në kushtetutën maqedonase ku përmenden popujt e tjerë dhe në kushte të barabarta me këta popuj”.

Kjo praktikisht mund të zhbllokojë procesin e integrimit në BE për Shqipërinë dhe Maqedoninë e Veriut.

Vendimi bullgar është bllokuar për një kohë të gjatë për shkak të një përçarjeje të thellë politike në Bullgari për këtë çështje.

Nga ana tjetër, kujtojmë këtu se kryeministri Edi Rama është shprehur mjaft kritik me qëndrimin e Bullgarisë.

Pas reagimit të Ministrisë së Jashtme bullgare, e cila i ka quajtur të papranueshme deklaratat dhe gjuhën e përdorur nga kryeministri Edi Rama, ky i fundit ka ironizuar nëpërmjet një postimi në rrjete sociale.

“Hiqni veton ose më duroni mua”, -shkruante Rama./CNA.al

 





Lajmet e fundit nga