web counter
LEXO PA REKLAMA!

SHKARKO APP

App Store
Google Play

Shqiptarët mund të deklarojnë deri në 2 mln euro pasuri/ Ivi Kaso kundër qeverisë: Shuplakë fytyrës MONEYVAL-it

24 Qershor 2022, 17:56, Aktualitet CNA
Shqiptarët mund të deklarojnë deri në 2 mln euro pasuri/ Ivi
Ivi Kaso

Ministria e Financave ka gati projektligjin për “Aministinë Fiskale”, ku shqiptarët mund të deklarojnë deri në 2 mln euro pasuri, pa treguar burimin e të ardhurave.

Lidhur me këtë, ka ardhur edhe reagimi i Ivi Kasos, i cili në një postim në rrjetin social Facebook, shkruan se ky vendim i qeverisë është një “Shuplakë fytyrës MONEYVAL-it që na ka shpallur tashmë "delja e zezë" e Evropës dhe çdo naivi që ka ndonjë iluzion mbi drejtimin që ka marrë ky vend”.

“Ja pra që nuk e paska patur për emigrantët që donin të dërgonin 30 000 £ në Shqipëri e gjoja s'mund ta bënin lehtësisht, por e paska patur për ata "hallexhinjtë" e tjerë... vëllain, motrën, shokun, mikun, shoferin, dashnoren e kujtdo që është pasuruar nëpërmjet keimit e korrupsionit e paskan hallin e madh se si do legalizojnë nga 2 mln € pasuri për kokë. Hall i madh  s'ke ç'thua por veç për këto lloj hallesh mendon kjo maxhorancë mbasi s'la hall tjetër pa ju lëshuar në shpinë shqiptarëve! Operacion më kriminal pastrimi parash të pista nuk besoj se mund të ketë, në projektim e zbatim, as në ndonjë vend të botës së tretë e jo më në një vend që aspiron të hapë negociatat për anëtarësim. Shuplakë fytyrës MONEYVAL-it që na ka shpallur tashmë "delja e zezë" e Evropës dhe çdo naivi që ka ndonjë iluzion mbi drejtimin që ka marrë ky vend”, shkruan Kaso./CNA.al

 





Lajmet e fundit nga