web counter
LEXO PA REKLAMA!

SHKARKO APP

App Store
Google Play

Përshkallëzon greva/ Kreu i Dhomës së Avokatisë Durrës: Do bojkotojmë edhe masat e sigurisë

24 Qershor 2022, 17:39, Aktualitet CNA
Përshkallëzon greva/ Kreu i Dhomës së Avokatisë
Dhoma e Avokatisë Durrës

Kreu i Dhomës së Avokatisë Durrës, Lovral Petani, ka paralajmëruar përshkallëzim të grevës së avokatëve për hartën e re gjyqësore.

Petani tha në Syri Tv se në datat 27, 28 dhe 29 qershor, Dhoma e Avokatisë Durrës do të bojkotojë edhe “masat e sigurisë”.

Ai tregoi se në datën 29 është thirrur Asambleja e Përgjithshme e Dhomës Kombëtare të Avokatisë, ku 91 përfaqësuesit do të marin vendimin përfundimtar se çfarë qëndrimi do të mbajnë të gjithë avokatët në Republikën e Shqipërisë.

“Pas shumë debatesh, të gjithë avokatët janë skeptikë se mund të gjejnë një gjuhë të përbashkët me këtë komision dhe për këtë arsye ata kërkuar që të bëjmë një reagim me një masë më shtrënguese, duke bërë bojkot për tre ditë, në datat 27, 28, 29 qershor dhe parashikon bojkotimin e të gjitha seancave gjyqësore civile dhe penale, bojkot të të gjitha masave të sigurisë që quhet edhe një masë e përshkallëzuar pranë Gjykatës së Shkallës së Parë Durrës dhe Gjykatës së Apelit Durrës. Parashikon bojkotimin e të gjitha veprimeve hetimore pranë organeve proceduese të Prokurorisë dhe Policisë në Durrës dhe Kavajë. Si dhe vendosëm shfuqizimin e një liste të avokatëve kryesisht që të mos kenë ngarkesë profesionale nga ana e gjykatave.

Katër dhoma avokatie që kanë vendosur sot bojkotin, është Durrësi, Shkodra dhe Korça. Në datën 29 është thirrur Asambleja e Përgjithshme e Dhomës Kombëtare të Avokatisë, ku 91 përfaqësuesit do të marin vendimin përfundimtar se çfarë qëndrimi do të mbajë gjithë Dhoma Kombëtare e Avokatisë dhe të gjithë avokatët në Republikën e Shqipërisë. Pra, vendimi i datës 29 do jetë ai vendim, i cili do të jetë i detyrueshëm për të gjithë avokatët. Nuk ka asnjë përçarje. Data 29 do të sqarojë që të gjithë avokatët të kenë një qëndrim", theksoi Petani./ B.A.- CNA.al





Lajmet e fundit nga