web counter
LEXO PA REKLAMA!

SHKARKO APP

App Store
Google Play

Grupi “Basha-Alibeaj”, në mbrojtje të krimit

19 Qershor 2022, 13:09, Politikë CNA

Grupi “Basha-Alibeaj”, në mbrojtje të krimit

Një ditë më parë CNA.al, publikoi një dokument, i cili përbën një skandal të paprecedentë. Motra e një vrasësi serial, i cili tashmë po rrëfehet para organeve të drejtësisë, është pajisur me certifikatë sigurie.

Pra, Xhuljana Dumani, motra e Nuredin Numanit ka marrë certifikatë sigurie nga DISK.

Grupi “Basha-Alibeaj”, në mbrojtje të krimit

Që do të thotë se motra e vrasësit është pajisur me certifikatën për të qenë pjesë e një zyre në ministrinë e Jashtme, e cila është një strukturë posaçërisht për NATO-n dhe për të gjitha informacionet e tjera sekrete që vijnë nga partnerët ndërkombëtarë.

Por, çfarë ndodh?

Ndërkohë që pas denoncimit nga CNA.al, lajmi në fjalë është publikuar edhe nga shumë media të tjera, dhe ka pasur edhe mjaft reagime, me grupin “Basha-Alibeaj”, ka ndodhur “çudia”.

Kanë kaluar mbi 24 orë, që CNA.al ka publikuar këtë skandal të paprecedentë, ku dyshohet të jenë të përfshira disa institucione dhe nuk ka asnjë reagim, nga ata që pretendojnë se janë “opozitarë”.

Ndoshta CNA.al e kanë shpallur armike. Por, fakti është fakt dhe është publikuar jo vetëm nga CNA.al, por edhe nga media të tjera.

Dhe grupi “Basha-Alibeaj”, që tentojnë të shiten si opozitë, nuk mund të bëhen palë me krimin.

Nëse janë opozitë, sikurse pretendojnë, atëherë nuk mund të marrin në mbrojtje ministren Olta Xhaçka. Nuk mund të marrin në mbrojtje Ministrinë e Arsimit që e rekomandoi dhe aq më pak nuk mund të marrin në mbrojtje DSIK-në, dhe asnjë institucion tjetër.

Sepse nuk bëhet fjalë thjeshtë për një vajzë të punësuar gabimisht. Motra e Nuredin Dumanit mund të punësohej në çdo punë në administratën shqiptare, por kurrsesi në një strukturë të tillë. Kurrsesi nuk mund të pajisej me certifikatë sigurie nga DSIK.

Motra e një vrasësi nuk mund të marrë “çelësin” e një strukture posaçërisht për NATO-n dhe ku kalon çdo informacion i klasifikuar, që vjen nga partnerët ndërkombëtarë.

Por, me sa duket “opozitarët” e pretenduar, Basha, Alibeaj & Co, kanë marrë pushimet, dhe ngrohen në diell, e po presin shtatorin për të ndarë paratë me Edi Ramën.

Një opozitë e vërtetë nuk mund të heshtë përballë fakteve.

Duke heshtur, bëhen palë me krimin./CNA.al

 





Lajmet e fundit nga