E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Vendimi për ripërsëritjen e zgjedhjeve në PD e Korçës/ Zgjohen manipuluesit e procesit

18 Qershor 2022, 11:24, Politikë CNA

Vendimi për ripërsëritjen e zgjedhjeve në PD e

Foto ilustruese nga procesi i zgjedhjeve në PD-në e Korçës

Zgjedhjet për kryesinë e PD-së, në degën e Korçës u manipuluan.

Kanë qenë kandidatët që kanë denoncuar skandalin, pasi numërimet janë bërë fshehurazi dhe pa praninë e tyre.

Në këto kushte është vendosur për anulim dhe ripërsëritje të zgjedhjeve në PD-në e Korçës.

Menjëherë pas këtij vendimi ka pasur reagime, dhe nga ata që dyshohen se janë pjesë e këtij procesi manipulimi.

Njëra prej tyre është ish-drejtuesja në strukturat e PD dega Korçë Mirela Plasa Qeleshi, e cila ka dalë kundër vendimit për ripësëritje të zgjedhjeve.

Denoncim-Manipulohen zgjedhjet në PD-në, e Korçës/ Votat për kryesinë numërohen në fshehtësi
14 Maj, 11:12

Në fakt Qeleshi është një nga manipulatoret, sepse ka qenë pjesë e komisionit që u mbyll e shpalli fitues kë donin pas pazareve me Edit Harxhin, Flamur Nokën dhe Arben Ristanin.

Me anë të një postimi në rrjete sociale, Qeleshi shkruan me dyshim për shkresën që është vendosur për anulimin e zgjedhjeve.

Mirela Plasa Qeleshi

“Nuk jam juriste, por mesa shoh nga një shkresë që qarkullon tek anëtarët që nuk fituan për kryesinë Korçë, më lindin disa pyetje që mendoj se e deligjitimojnë shkresën:

Sa e vërtetë dhe zyrtare është kjo shkresë?

Si ka mundësi që shkresa protokollohet dhe vuloset pa firmën e anëtarëve të komisionit?

Shkresen e ka bërë ai që mban vulën?

Kush janë anëtarët e komisionit që votuan pro dhe kundër?

Kane dijeni gjithe anetaret e komisionit per kete shkrese?

Si del nga protokolli dhe qarkullon te personat e interesuar për përsëritjen e procesit para kohe? ( këta të fundit e fshinë menjëherë nga story, pasi e postuan).

Vetëm publikimi i shkresës pa firmat e anëtarëve të komisionit, përbën skandal”, shkruan ish-drejtuesja në strukturat e PD dega Korçë Mirela Plasa Qeleshi.

Sipas saj, vetëm dërgimi te njerëzit e interesuar, para kohe tregon njëanshmërinë e komisionit që nuk guxon të firmosë (pro ose kundër).

Qeleshi ka akuzuar për këtë skandal siç e quan ajo, deputetët Ervion Salianji dhe Sorina Koti. Ajo shkruan se vetëm atyre iu interesojnë manipulimet, pasi iu kanë rënë kreditet në parti.

“Po, mbi të gjitha mosfirmosja e shkresës e hedh poshtë atë menjëherë. Dhe besoj edhe zyrtarisht ( poste, apo e mail) ka ardhur pa firma…?

Dihet që të interesuarit kryesorë mund të jenë deputetët Salianji ( i dënuar penalisht) dhe Koti ( votuese e vetëm nga PD e eurobondit 750 milion euro). Dhe këtë e bëjnë për t’u fuqizuar te partia, ku u kanë rënë fare kreditet.

Dhe u intereson kjo lojë. Nga ana tjetër këta dy deputetë u duhen atyre lart me patjetër , për të shtuar grupin parlamentar!

Dhe për këto, ata lart, në mungesë të plotë serioziteti guxojnë të bëjnë të tilla hajvanllëqe?

Guxojnë bëjnë shkresa pa firma, po me vulë ? Është totalisht shkelje e gjithë procedurave! Është totalisht njëanshmëri.

Këto sqarime duan të tregojnë seriozitetin e funksionimit të komisioneve lart, interesat e tyre.

Se për përsëritje të procesit , apo jo, nuk jam fare, po fare e interesuar”, përfundon Qeleshi reagimin./CNA.al