E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Meta takon Drejtorin e Përgjithshëm të OBSH/ Zbulon kërkesën që i bëri për Shqipërinë

17 Qershor 2022, 17:19, Politikë CNA

Meta takon Drejtorin e Përgjithshëm të OBSH/ Zbulon

Presidenti Ilir Meta dhe Drejtori i Përgjithshëm i Organizatës Botërore të Shëndetësisë, Dr. Tedros Adhanom Ghebreyesus

Presidenti Ilir Meta ka takuar ditën e sotme takoja Drejtorin e Përgjithshëm të Organizatës Botërore të Shëndetësisë, Dr. Tedros Adhanom Ghebreyesus.

Meta ka treguar se me drejtorin e OBSH-së ka biseduar për pandeminë e Covid-19 dhe për rolin e tij gjatë 5 vjeçarit në krye të OBSH-së.

Kreu i Shtetit bën të ditur se Tedros Adhanom Ghebreyesus i ka kërkuar të shtojë vëmendjen dhe mbështetjen për sistemin tonë shëndetësor.

“Në kuadër të punimeve të Forumit IX Global të Bakusë, pata kënaqësinë e veçantë të takoja Drejtorin e Përgjithshëm të Organizatës Botërore të Shëndetësisë, Dr. Tedros Adhanom Ghebreyesus, të cilit i urova shumë suksese për rizgjedhjen për një mandat tjetër 5-vjeçar në këtë detyrë shumë të rëndësishme.

Vlerësova kontributin dhe udhëheqjen e vyer si Drejtor i Përgjithshëm i OBSH-së në luftën dhe parandalimin e pandemisë Covid-19 në mbarë botën, si dhe rolin e tij në reformimin e Organizatës, me një gamë të gjerë arritjesh në ofrimin e kujdesit shëndetësor në mbarë botën.

E informova për efektet e rënda të COVID-19 në Shqipëri, si dhe për hapat që po ndiqen për tejkalimin e pasojave dhe rikthimin në normalitet.

Kërkova një vëmendje të shtuar dhe mbështetje më të madhe nga OBSH për sistemin tonë shëndetësor, me synim mbrojtjen efikase të jetës dhe shëndetit të qytetarëve shqiptarë.

Përmirësimi i shëndetit publik global është një urgjencë, për të parandaluar çdo pandemi të mundshme në të ardhmen dhe për këtë nevojitet një koordinim më i mirë për sistemet e paralajmërimit të hershëm dhe gjurmimin e transmetimit.

Theksova se përparësia e Shqipërisë si anëtare e Këshillit të Sigurimit të OKB-së do të jetë edhe forcimi i OBSH si autoriteti udhëheqës dhe drejtues për shëndetin global, duke qenë në qendër të arkitekturës botërore të shëndetit”, shkruan Meta në rrjetet sociale./ CNA.al