web counter
LEXO PA REKLAMA!

SHKARKO APP

App Store
Google Play

E fundit!

x

Braho analizon vendimin e SPAK/ Të penduarit akuzojnë direkt politikanë, ka kërcënime për jetë

16 Qershor 2022, 22:32, Politikë CNA
Braho analizon vendimin e SPAK/ Të penduarit akuzojnë direkt
Ish-deputeti Spartak Braho

Ish-deputeti Spartak Braho ka komentuar vendimin e SPAK për ndalimin e gazetarëve që të publikojnë dëshmitë e të penduarit të drejtësisë, Nuredin Dumani.

Braho tha se nuk është dakord me ligjet, por theksoi se meraku i SPAK është nxjerrjen e hetimeve, pasi pretendon se ka edhe dezinformatorë.

Kjo sepse sipas tij, të penduarit akuzojnë direkt dhe indirekt politikanë dhe persona të tjerë.

Ai nënvizoi se këtu bëhet fjalë për të goditje apo kërcënime direkte për jetën e atyre që hetojnë.

“Kjo është pjesë e ligjit procedural penal dhe dispozitave që merren me zbulimin për hapjen e sekretit hetimor. Unë nuk jam dakord me ligjet këtu, meraku është nxjerrjen e hetimeve të Dumanit dhe Enrik Hoxhaj. Këtu bëhet fjalë për të goditur direkt, apo kërcënime direkte për jetën e atyre që hetojnë. Këto dihen, por ajo që i mungon këtij urdhri është, ndalohet që mediat të merren me deklarimin e tyre, nuk ka faj gazetari… Ky urdhër nuk ka të bëjë me gazetarët me punën e tyre. I referohet edhe një punonjësi të sekretarisë së prokurorisë, apo një polici të thjeshtë.

Pragu i SPAK kalohet kur analizohet dalja e informacionit… Këtu kemi të bëjmë edhe me dezinformacione, me djegie të s’kubeve të kësaj veprimtarie kriminale ku janë të akuzuar dhe mesa di këta të penduar akuzojnë direkt dhe indirekt politikanë dhe persona të tjerë. Ka një raport që duhet ndjekur dhe zgjidhur, raport i shtypit, me raportin që vetë SPAK duhet të rregullojë veprimtarinë e tij, tani ka prokurorë llafazanë që mburren. Prokurorët shpesh i hedhin në treg këto gjëra për të parë si do reagohet, në ndonjë rast është edhe pjesë e taktikës hetimore, pra ka edhe gjëra profesionale…”, deklaroi ish-deputeti./ B.A. - CNA.al





Lajmet e fundit nga