web counter
LEXO PA REKLAMA!

SHKARKO APP

App Store
Google Play

Meta kërkesë për ndërhyrje urgjente/ Duhet koordinim më i mirë botëror për shëndetësinë

16 Qershor 2022, 16:45, Politikë CNA
Meta kërkesë për ndërhyrje urgjente/ Duhet koordinim më
Presidenti Ilir Meta

Presidenti Ilir Meta ka bërë një thirrje në lidhje me situatën shëndetësore, në kohën kur ende nuk ka përfunduar pandemia dhe po përhapet Lija e Majmunëve.

Me anë të një statusi në rrjetet sociale, Meta deklaron se përmirësimi i shëndetit publik global është një urgjencë, për të parandaluar çdo pandemi të mundshme në të ardhmen.

Kreu i Shtetit kërkon që të bëhet një koordinim më i mirë botëror për sistemet e paralajmërimit të hershëm, gjurmimit dhe kurimit të viruseve.

“Përmirësimi i shëndetit publik global është një urgjencë, për të parandaluar çdo pandemi të mundshme në të ardhmen.

Nevojitet një koordinim më i mirë botëror për sistemet e paralajmërimit të hershëm dhe gjurmimin e transmetimit, ndarjen e vaksinave, ilaçeve dhe pajisjeve, zhvendosjen e produkteve dhe pajisjeve mjekësore me rëndësi jetike, si dhe për bashkëpunimin ndërshtetëror në fushën e kujdesit shëndetësor, kërkimit mjekësor dhe bioteknologjinë.

Përparësia e Shqipërisë si anëtare e Këshillit të Sigurimit të OKB-së është të kontribuojë në forcimin e Organizatës Botërore të Shëndetit si autoriteti udhëheqës dhe drejtues për shëndetin global, duke qenë në qendër të arkitekturës botërore të shëndetit”, shkruan Presidenti./ B.A. – CNA.al





Lajmet e fundit nga