web counter
LEXO PA REKLAMA!

SHKARKO APP

App Store
Google Play

E fundit!

x

Vajza me syze e OFL-së “ndez sherrin” në Kuvend/ Çuçi: E kam marrë këshilltare

16 Qershor 2022, 12:01, Politikë CNA
Vajza me syze e OFL-së “ndez sherrin” në Kuvend/
Ish-zëdhënësja e OFL-së

Deputeti i PD-së, Ervin Salianji gjatë fjalës së tij sot në Kuvend përmendi disa herë ish-zëdhënësen e OFL-së, e cila njoftonte gjithmonë operacionet policore, se nuk po shfaqej më në media.

Por, pas fjalës së Salianjit, ka reaguar nënkryetarja e Kuvendit, Ermonela Felaj.

Kjo e fundit theksoi se bëhej fjalë për një punonjëse policie, dhe se në këtë rast deputeti demokrat duhet të tregonte respekt.

“Vajza me syve, që mund të ishte dhe djali me syze, që nuk e do a do e kishte tërhequr kjo vëmendjen tuja, është punonjës i Policisë së Shtetit. Keni detyrimin të respektoni gjithë njerëzit me uniformë, e për më tepër që nuk kanë lidhje me këtë sallë.” tha Felaj.

Ndërkohë, Salianjit i është përgjigjur edhe ministri i Brendshëm, Bledi Çuçi, i cili tha se ajo tashmë është këshilltare në kabinetin e tij.

“Tani për respektin ndaj njerëzve dhe veçanërisht ndaj ruajtjes së balancave gjinore besoj se këtu jemi vite larg. Ajo që quan vajza me syze sot është këshilltare në kabinetin e ministrit të Brendshëm.

Në lidhje se ku e kemi çuar ne sigurinë, mund të bëni rolin e spikerit të kronikës së zezë, por se ku e kemi çuar ne Shqipërinë e dinë shqiptarët. Shqipëria është në pikën më të lartë të sigurisë. Shqipëria është një vend  ku organizohen evente evropiane, ku numri i tursitëve rritet me herë nga viti në vit, investimet rriten. Këto ndodhin për shkak të sigurisë.

Sa i takon pjesës së dështimit, sic thatë ju nga këto dy iniciativa. Po ju lexoj disa statistika. Vetëm sekuestrimet që janë kërkuar nga OFL janë 1860 njësi.

Një këshillë i nderuar koleg, nuk bëhet politikë me krimin nuk vihet në pushtet me lajmet e kronikës së zezë. Mos i shihni ato ngjarjet me tritol, janë të rënda sigurisht, si fishekzjarre për të ardhur në pushtet”, tha Çuçi./CNA.al





Lajmet e fundit nga