web counter
LEXO PA REKLAMA!

SHKARKO APP

App Store
Google Play

E fundit!

x

A po punon Evi Kokalari për interesa të Erion Veliajt?

15 Qershor 2022, 10:18, Politikë CNA
A po punon Evi Kokalari për interesa të Erion Veliajt?
Erion Veliaj, Evi Kokalari

Aktivistja Evi Kokalari, e cila jeton në SHBA, erdhi në Shqipëri në kohën që ish-kryeministri Sali Berisha kishte nisur “Foltoren” me demokratët.

Doli në krah të Berishës në disa “Foltore”, duke deklaruar se do të rikthejë demokracinë në PD, se do bëjë një PD konservatore e të tjera si këto.

Por, së fundi ajo që ka rënë në sy, është një sulm frontal kundër Belind Këlliçit, dhe Forumit Rinor të Partisë Demokratike.

Ndërkohë, CNA.al ka publikuar video dhe postime të saj në rrjetet sociale, ku duket se ka bashkëpunuar me kryetarin e Bashkisë së Tiranës, Erion Veliaj.

Për më tepër, ashtu sikurse shikohet edhe në videon më poshtë, Kokalarit duket si i “shkonte goja lëng”, kur fliste për Erion Veliajn.

Justifikohet se e ka ndihmuar, me shërndarjen e pakove me ndihma, por fakti është se nuk është parë asnjëherë ndonjë sulm frontal i Evi Kokalarit, kundër Erion Veliajt.

Ndërkohë që edhe vetëm pak muaj na ndajnë nga zgjedhjet lokale, Kokalari nuk është parë asnjëherë të vetme të sulmojë kryebashkiakun e Tiranës.

Mos ndoshta Kokalari, kërkon që Veliaj të rizgjidhet kryebashkiak?

Nga ana tjetër, persona që sulmojnë Veliaj, janë sulmuar brutalisht nga Evi Kokalari.

Kjo e fundit ka sulmuar ashpër edhe CNA.al, e cila është ndër të vetmet media që i ka rezistuar presionit për denoncimin e aferës së inceneratorëve, përfshirë edhe atë të Tiranës, apo edhe tendera të Bashkisë, e deri tek rasti i Ardit Gjoklajt.

Pastaj, së fundi ka filluar sulmin ndaj Këlliçit, me pretendimin gjoja se ka manipuluar votat për Këshillin Kombëtar. Kur në fakt ka pasur 4-5 grupe lobimi.

Por Kokalari del kundër Këlliçit, e pranon publikisht se ka lobuar kundër këtij të fundit. Ndërkohë që Këlliçi është një nga njerëzit më aktivë dhe një kandidat i mundshëm përballë Veliajt, në zgjedhjet e ardhshme lokale.

A po punon Evi Kokalari për interesa të Erion Veliajt?

Kokalari nuk ndalet me akuzat e saj, duke nxjerrë edhe deri shpikje monstrueze, për shifra deri në një milion dollarë apo klane droge. Por, akuzat duhet ti provojë në gjykatë.

Ndërkohë natyrshëm lind pyetja, mos vallë ka vënë “në tabelë qitje” ata që sulmojnë Veliajn?

Mos vallë, përtej një anti-sorosianë kemi një lidhje të nëndheshme?

Nuk e kemi dëgjuar të artikulojë ashpër kundër Veliajt apo ndonjë tjetri. Ndaj Lulzim Bashës që është një kufomë politike, mund të flasë kushdo.

Mos vallë Evi Kokalari po i shërben interesave të Erion Veliajt?/CNA.al

 





Lajmet e fundit nga