web counter
LEXO PA REKLAMA!

SHKARKO APP

App Store
Google Play

E fundit!

x

Dyfytyrësia e Kokalarit/ Unë loboj, ju mos loboni

7 Qershor 2022, 11:30, Politikë CNA
Dyfytyrësia e Kokalarit/ Unë loboj, ju mos loboni
Aktivistja Evi Kokalari

Aktivistja Evi Kokalari, e cila erdhi në Shqipëri me pretendimin për të bërë një PD konservatore dhe dy herë iku në Amerikë edhe pse nuk dihet pse. Që “fshihej” nëpër Shqipëri, që ka ardhur me financime të dyshimta, e të tjera si këto. Por po i lëmë të gjitha skandalet që CNA.al do t’i nxjerrë ditë pas dite për të treguar se kush është kjo që sillet me PD-në, sikur e ka “plaçkë lufte”, dhe sot po sjellim një status të saj në rrjetet sociale.

Një status i shkruar nga vetë Kokalari, ku ndër të tjera shkruan se “nuk lobuam sa duhet”.

Në një postim në rrjetet sociale, në datën 2 maj 2022, Kokalari e pranon publikisht se është pro orientimit të votës dhe se ajo ka lobuar.

“Më erdhi shumë keq që nuk i pashë këta emra të zgjidhen në Këshillin e PD-së. Ndoshta duhet të kishim lobuar më shumë për ta, por sinqerisht jam e zhgënjyer që asnjë nga këta individë nuk janë pjesë e Këshillit sot.” -shkruan ndër të tjera Evi Kokalari.

Dyfytyrësia e Kokalarit/ Unë loboj, ju mos loboni

Pra, Kokalari e pranon lobimin, por thotë se duhet të kishin lobuar më shumë. Dhe kjo tregon se ka pasur një qëllim, për të futur 10 apo 15 emra më shumë në Këshillin Kombëtar të PD-së. Diku aty ka edhe ndonjë emër që vazhdon akoma e sulmon PD-në. Gjithsesi, kjo nuk ka rëndësi. Janë zgjedhje personale.

Nga ana tjetër zonja Kokalari ka nxjerrë një tjetër postim, ku thotë “pse lobuan të rinjtë e FRPD-së”.

Dyfytyrësia e Kokalarit/ Unë loboj, ju mos loboni

Kjo është të bërtasësh “obobo o lelele, o Evi ku je?”

Po si mund të thuash nuk lobova sa duhet që të dilnin pesë apo shtatë njerëz që do ti, dhe qenka hall i madh pse të rinjtë kanë fituar shtatë apo nëntë kuota më shumë, në Këshillin Kombëtar.

Së pari, që ta mësojë Evi dhe çdo njeri që kërkon ta përdorë PD-në për pazare personale, në statutin e PD-së kuota e caktuar për FRPD-në, nuk është maksimumi. Pra, u vendos 5% dhe kaq ka, jo.

Është jo më pak se 5%.

Për më shumë, mund të vihen edhe 20, 30 dhe 40. Dhe PD-së, nuk i duhen 10 apo 20% të rinj, por i duhen 50 apo 70% të rinj.

Dyfytyrësia e Kokalarit/ Unë loboj, ju mos loboni

Por, Evi Kokalari do të mbajë në PD disa segmente të ndryshkura, që askush nuk i voton. Pavarësisht se përpiqen të sillen si gjoja konservatorë ose parimorë në politikë.

Nuk është ky rasti për t’u sqaruar. Por, duhet të theksojmë se Evi Kokalari kërkon “llogari”, “pse lobuat ju që të rritej numri i të rinjve”, dhe nga ana tjetër pranon se ajo ka lobuar për të futur një tufë me “kunguj” që i mban nën sqetull.

Tani, në rast se lobon, lobojnë të gjithë. Dhe në Kuvend nuk ka pasur një fletë lobimi, sepse zgjidheshin 150 emra, ndërkohë që fletë lobimi ishin 4 apo 5, me nga 20 apo 30 emra.

Tani, shpërthimi ndaj Belindit dhe të rinjve të FRPD-së erdhi se nuk dolën ata që donte Evi Kokalari që të kishte kontroll mbi Këshillin Kombëtar e më pas në Kryesi? Apo ndodhi për parim?

Por, parimi këtu bie, pasi Kokalari thotë se “Unë loboj sa të dua dhe kam lobuar. Ndërkohë, të tjerët nuk duhet të lobojnë”.

Pra, ata që lobojnë dhe fitojnë janë problem. Ndërsa Evi Kokalari, që lobon dhe nuk fiton është në rregull.

Tani kjo është për të ulëritur, jo për të bërtitur.

Kjo është Evi Kokalari e vërtetë. Kjo është pseudo-konservatore, që flet në emër të Trumpit dhe të republikanëve amerikanë. Kjo Zonja, që për vete lobon dhe nga ana tjetër nuk dihet për çfarë interesash?

Nuk dihet e paguar nga kush dhe përse?

Dhe nga ana tjetër ka filluar një sulm të fëlliqur, të neveritshëm ndaj FRPD-së dhe faktit pse fituan 30 të rinj, dhe jo 23.

Kokalari duhet ta mësojë se kur janë tri apo katër grupe që lobojnë, jo të gjithë do të fitojnë. Një do të marrë më shumë, një do të marrë më pak./CNA.al





Lajmet e fundit nga