web counter
LEXO PA REKLAMA!

SHKARKO APP

App Store
Google Play

E fundit!

x

Shtëpitë e prishura në Paskuqan/ Noka, akuza Spiropalit: Keni lënë qytetarët në harresë

6 Qershor 2022, 21:17, Politikë CNA
Shtëpitë e prishura në Paskuqan/ Noka, akuza Spiropalit: Keni
Deputeti i PD-së, Flamur Noka

Sekretari i Përgjithshëm i PD-së, Flamur Noka, gjatë fjalës së tij në parlament ka akuzuar qeverinë Rama, se ka harruar banorët e saj.

Duke iu përgjigjur ministres Elisa Spiropali, deputeti i PD-së, Noka, tha se mazhoranca po u bën bisht detyrimeve.

“Marrëveshjet janë detyrime dhe Berisha nuk tha as më shumë dhe as më pak, por u po i bëni bisht detyrimeve, sepse keni hall. Kur të vijë zotëria të flasë vetë. Dëgjova dhe Spiropalin që bluan si mulliri bosh sa për të bërë zhurmë, dhe nuk flet asnjë fjalë për zonën e saj. Në zonën e Paskuqanit po konsumohet krim, qeveria po prish dhjetëra shtëpi, po lë në qiell të hapur qindra banorë që i mori votat për zgjedhjet. Edhe Enver Hoxha të ngrihet nga varri këto shtëpi tuajat nuk do të prishen, kështu tha Kryeministri, por këta e kanë harruar këtë. Edi Rama po sillet me ata banorë si Enver Hoxha, i vret natën dhe i qan ditë. Ata janë banorë që i kanë në proces legalizimi ato banesa, por kjo qeveri nuk do t’ia dijë për ta, thjesht i ka mashtruar për të marrë vota. Jemi para shkeljeve flagrante të ligjit sepse ky regjim nuk mendon për qytetarët. Është një regjim i dashur vetëm për qeveritarët dhe oborrtarët e tyre. Shikoni Sazanin, çfarë tregon djegia e pyjeve. Kjo qeveri ka çuar për skrap taksat e shqiptarëve. Një qytetar që quhet Besim Peca ka marrë gjobë dhe e gjithë shtëpia e tij kushton 10 mln, këta i vënë gjobë 114 mln dhe pastaj vijnë e flasin për qytetarët”, tha Noka./CNA.al





Lajmet e fundit nga