web counter
LEXO PA REKLAMA!

SHKARKO APP

App Store
Google Play

E fundit!

x

Shtimi i 4 anëtarëve të rinj në Kryesinë e PD-së/ Justifikohet Vokshi

6 Qershor 2022, 19:32, Politikë CNA
Shtimi i 4 anëtarëve të rinj në Kryesinë e PD-së/
Albana Vokshi

Partia Demokratike ka publikuar emrat e anëtarëve të rinj të Kryesisë.

Në zgjedhjet që u mbajtën në datën 3 qershor 2022, demokratët votuan përmes parimit një anëtarë një votë 20 anëtarë të Kryesisë, 6 zonja dhe 14 zotërinj, sipas statutit të partisë.

Por në listën finale u pa se numri ishte shtuar edhe me 4 persona të tjerë, konkretisht Sorina Koti, Floriana Garo, Bardh Spahia dhe Genc Deromemaj.

CNA.al kontaktoi me kryetaren e Komisionit të Organizimit dhe Kontrollit të Operacioneve Elektorale, Albana Vokshin, e cila u shpreh se numri i anëtarëve të Kryesisë është 20 sipas statutit, ndërsa u justifikua se katër personat e tjerë që u shtuan janë sekretarë dhe nënkryetarë.

E pyetur se kush ishte parimi që u zgjodhën pikërisht këta të katërt, Vokshi tha se ishte vota.

“Nuk janë katër më shumë. Katër janë zgjedhur nënkryetarë e sekretarë, nuk janë më pjesë e Kryesisë. Kryesia mbetet me 20 anëtarë. E kemi në deklaratë”, tha Vokshi për CNA.al.

Të 4 emrat, Floriana Garo, Sorina Koti, Bardh Spahia dhe Genc Deromemaj kanë vlerat e tyre dhe kontributet, pra nuk ka të bëjë me individët, por me mënyrën e gjetur për të “fryrë” Kryesinë.

Statuti i PD-së e thotë qartë se anëtarët e Kryesisë janë 20 persona dhe aq u zgjodhën nga votimi, 14 burra dhe 6 gra.

Por janë gjetur teknikalitete me non sens për të shtuar përfaqësimin.

Që të zbatohej ajo që thotë zonja Vokshi duhet të zgjidheshin 6 drejtuesit e tjerë nga Këshilli Kombëtar dhe pastaj 20 anëtarët e Kryesisë.

U zgjodhen 20 njëherë dhe sot në Kryesi janë 24 të zgjedhur pasi lista ka zbritur. E në rast se një nga nën kryetarët për shumë arsye jep dorëheqjen, nuk ri dot në Kryesi pasi vendin në Kryesi e ka të lidhur me postin. Pra megjithëse e ka zgjedhur Këshilli Kombëtar në Kryesi, ai është zëvendësuar.

Deklarata e zonjës Vokshi, në këtë rast është thjesht një justifikim./E.K-CNA.al

 





Lajmet e fundit nga