web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimeve/ Ahmetaj i përgjigjet opozitës: Mos u bëni migjenianë, duhet të jemi racionalë

6 Qershor 2022, 20:38, Politikë CNA
Rritja e çmimeve/ Ahmetaj i përgjigjet opozitës: Mos u
Arben Ahmetaj

Zv.kryeministri Arben Ahmetaj nga foltorja e Kuvendit iu përgjigj akuzave të opozitës lidhur me situatën ekonomike në vend.

Ahmetaj tha ndër të tjera se ata duhet ta kuptojnë situatën me çmimet, pasi kjo po ndodh thuajse në të gjithë botën, ndikuar nga lufta në Ukrainë. Madje, ai thotë se krahasuar me vendet e tjera, inflacioni në Shqipëri është shumë më i ulët.

“Rindërtimi është programi më social. Merrni edhe shembuj globalë, por keni edhe rastin tuaj. E mbani mend Shkodrën, e keni bastion. Premtuat se do t'i dëmshpërbleni, nuk e bëtë dhe i dëmshpërblyem ne.

Mos u bëni migjenianë. Këtë punën e çmimeve duhet ta kuptoni. Janë konsekuencë ndërkombëtare. Të gjitha vendet e rajonit dhe botës e kanë inflacionin në qiell, ne e kemi një ndër më të ulëtat.

Ne këtu duhet të kuptojmë që ajo në Ukrainë nuk i ka efektet vetëm sot. E ardhmja e Europës dhe një pjese tjetër të globit nuk do ta kenë të thjeshtë sepse mungojnë të korrat.

Dua që të jemi racionalë. A mund të bëjë qeveria më tepër? Po patjetër. Çfarë ka bërë qeveria? Ka hartuar programe sociale.

Nëse do të ketë nevojë, prapë do të bëjmë paketa sociale. Ndërtimet në infrastrukturë janë spektakolare”, u shpreh Ahmetaj./E.K-CNA.al





Lajmet e fundit nga