web counter
LEXO PA REKLAMA!

SHKARKO APP

App Store
Google Play

E fundit!

x

Seanca plenare/ Luçiano Boçi: Parlamenti është bosh kur flitet për hallet e qytetarëve

6 Qershor 2022, 20:24, Politikë CNA
Seanca plenare/ Luçiano Boçi: Parlamenti është bosh kur
Deputeti dhe nënkryetari i PD-së, Luçiano Boçi

Deputeti demokrat, Luçiano Boçi, në fjalën e tij në Parlament ka ngritur shqetësimin që në një seancë ku flitet për problemet e qytetarëve salla është bosh, ndërsa në një seancë si ajo e zgjedhjes së Presidentit të ri, pjesëmarrja ishte e lartë.

Ai është shprehur se qeveria nuk bën asgjë për të shmangur dramat e qytetarëve. Në vend të saj, sipas tij, dëgjohen vetëm retorika lavdëruese për atë se çfarë qeveria ka bërë.

“Siç e shihni si është katandisur bosh Parlamenti dhe interesi për qytetarët është zero. Secili sheh punën e vet ndërsa të shtunën Parlamenti gëlonte nga buzëqeshjet, shtrëngimet e duarve, është plot gjithmonë kur votohen ligjet për oligarkët.

Për qytetarët nuk do të dijë njeri. Është retorikë boshe. Katër minuta për të folur për problemet e qytetarëve, me kë të nis me Elbasanin, me varfërinë që është ulur këmbëkryq në Librazhd? Atij lypësit në skicat e Migjenit që na del rrugëve të Tiranës që thotë dua të jetoj, ministrat u përgjigjen me: zoti ju dashtë!

Harrojnë që çdo vuajtje, çdo mjerim, është refren i ditëve tona dhe varfëria të merr lirinë. Kjo është drama e shumë familjeve shqiptare që u i fshihni me retorikat lavdëruese për qeverinë. Sa drama të rinjsh kemi në Shqipëri? Po ata që duan të ikin larg si Nushi dhe këtu nuk ka asnjë reagim. Po drama e malësores: a do qymyr zotëri? Sa herë është realiteti i rrugicave të qytetit. Përgjigjja juaj është migjeniane “zoti ju dhashtë”, ka deklaruar deputeti Boçi./CNA.al





Lajmet e fundit nga