web counter
LEXO PA REKLAMA!

SHKARKO APP

App Store
Google Play

E fundit!

x

Dekreti për Begajn/ Meta i përgjigjet Berishës: Jam njeriu më koherent në tokë…

6 Qershor 2022, 21:15, Politikë CNA
Dekreti për Begajn/ Meta i përgjigjet Berishës: Jam njeriu
Presidenti Ilir Meta

Presidenti Ilir Meta ka komentuar deklaratat e ish-kryeministrit dhe kryetarit të Partisë Demokratike, Sali Berisha, i cili e quajti antikushtetues dekretin e firmosur nga Kreu i Shtetit në Stamboll, për lirimin e Bajram Begës nga detyra si shef i Shtabit të Përgjithshëm.

Meta tha se mendimet e Berishës janë në të drejtë të tij, ndërsa u shpreh se është njeriu më koherent në tokë, në mbrojtje të Kushtetutës.

“Se çfarë thotë Berisha për dekretin për Begajn, është e drejtë e tij. Nëse ka njeri në këtë tokë më koherent në mbrojtje të Kushtetutës, më falni për modestinë, por ai është Ilir Meta.

Procedura e ndjekur ka qenë e qartë dhe plotësisht transparente. Procedura e firmosjes së këtij dekreti është vetëm në zbatim të Kushtetutës.

Dekreti ka ardhur në mënyrë elektronike nga Tirana në Stamboll. Pasi u shqyrtua nga unë dhe pasi e lexova, e firmosa publikisht dhe u dërgua elektronikisht në Tiranë. Çdo veprim imi ka qenë në përputhje me Kushtetutën dhe në përputhje me ligjin. Në planin kushtetues zero probleme, në planin ligjor zero probleme, në planin moral zero probleme”, theksoi Kreu i Shtetit./ B.A. – CNA.al





Lajmet e fundit nga