web counter
LEXO PA REKLAMA!

SHKARKO APP

App Store
Google Play

Zgjedhja e Begajt si president/ Shehi: Nuk ka asgjë të keqe, ishte e drejta e PS-së të zgjidhte

6 Qershor 2022, 21:31, Politikë CNA
Zgjedhja e Begajt si president/ Shehi: Nuk ka asgjë të keqe, ishte e
Dashamir Shehi dhe Bajram Begaj

Kreu i LZHK-së, Dashamir Shehi, ka folur për zgjedhjen e presidentit të ri.

Në një intervistë për emisionin “Të Paekspozuarit” me Ylli Rakipin, Shehi deklaroi se ishte e drejta e socialistëve ta zgjidhnin kreun e shtetit dhe se ai nuk sheh asgjë të keqe për aq kohë sa opozita nuk bëri detyrën e vetë, por u ngatërrua me këmbët e saj.

Ai tha se ajo që mbetet për t'u parë në vijim është që Bajram Begaj të tregojë se nuk është i Edi Ramës, por është i të gjithë shqiptarëve.

“Rama përdori metodën që kanë përdoruar të gjithë, edhe ata para Ramës. Nuk shoh asgjë të jashtëzakonshme, kjo ishte e drejta e socialistëve dhe zgjodhën atë që deshën. Këtu jemi brenda rregullave dhe brenda traditës sonë politike. Mbaj mend një rast përjashtimor që ishte konsensusi me Moisin, pastaj njësoj ka përfunduar. Deri këtu nuk shoh asgjë të keqe. Pastaj personi në vetvete do ta tregojë rrugës, deri sot është një i zgjedhur i PS-së, por s’do ta paragjykoja sepse ky njeri ka kohë të mjaftueshme t'i tregojë popullit, opozitës, që ky me gjithë mend është i të gjithëve. Këtë e ka në dorë vetë. Skenat kështu kanë qenë pak a shumë të gjithë, do të thosha se Begaj ka kohë të mjaftueshme për të treguar se nuk është i Edi Ramës, por i të gjithëve. E zgjodhi Rama se ligji ia jep këtë të drejtë dhe se opozita u ngatërrua me këmbët e veta”, tha Shehi./E.K-CNA.al





Lajmet e fundit nga