web counter
LEXO PA REKLAMA!

SHKARKO APP

App Store
Google Play

Samiti Rajonal i Transportit/ Rama: Korridori 'Blu', në fazë të avancuar

7 Qershor 2022, 11:33, Politikë CNA

Samiti Rajonal i Transportit/ Rama: Korridori 'Blu', në

Në Tiranë u zhvillua Samiti Rajonal i Transportit për projekte strategjike.

Kryeministri Edi Rama nënvizoi rëndësinë e bashkëpunimit rajonal midis vendeve të Ballkanit Perëndimor, pasi vetëm në këtë mënyrë do të mund të kemi një zhvillim ndërmjet vendeve.

“Është një ditë që nis me transportin, sigurinë, qëndrueshmërinë e zhvillimit të gjithë sistemit tonë të transportit dhe që vazhdon më pas në Ohër me një tjetër samit të 'Ballkanit të Hapur' në funksion të ecjes sa më shpejt drejt realizimit të lëvizjes së lirë të njerëzve, të mallrave, të kapitaleve dhe shërbimeve, dhe jetësimit sa më shpejt në këtë rajon të katër lirive të BE-së.

Ne jemi në një fazë të avancuar të fushës për punën e korridorit blu. Një nga segmentet e këtij korridori është në rrugën e ndërtimit, segmentet e tjera janë në fazën përfundimtare të daljes në tender ndërkombëtar dhe jemi besimplotë që në harkun e këtij mandati të tretë qeverisës do të shohim frytet e këtij kantieri shumë të madh”, është shprehur Rama.

Sipas Ramës, korridori i 8-të ka hyrë në axhendën e diskutimeve dhe porti do të garantojë një aksesueshmëri shumë të lartë me standarde të BE-së për mallrat në të gjithë rajonin.

“Pas një kalvari të gjatë kemi mundur që të zhbllokojmë edhe projektin për hekurudhën Tiranë-Durrës. Është e kotë të humbas kohë për të diskutuar nëse projektet tona të rrugëve duhet të jenë kombëtare ose rajonale.

Pasi pa sensin e drejtimit rajonal ne jemi të destinuar të mbesim në të shkuarën dhe të humbasim kohë.

Këtë vit finalizojmë qendrën e menaxhimit të integruar të trafikut dhe vijmë në fazën e zbatimit të projektit të rrugëve smart me 200 km e para dhe synojmë ta përfundojmë në një afat kohor të arsyeshëm.

Të humbasim më pak kohë sepse ne nuk kemi kohë për të humbur’, është shprehur Rama./CNA.al





Lajmet e fundit nga