web counter
LEXO PA REKLAMA!

SHKARKO APP

App Store
Google Play

E fundit!

x

Tri rastet e lobimit të Evi Kokalarit

14 Qershor 2022, 10:22, Politikë CNA

Tri rastet e lobimit të Evi Kokalarit

E shpallur si aktiviste konservatore, njeri me reputacion të madh në qarqet e SHBA-së, u shfaq në Tiranë, u vërtit disa javë, shpenzoi dhjetëra miliona lekë, bileta avioni, fjetje në hotele luksoze, turizëm në Shqipëri. U largua disa herë, duke deklaruar se aktiviteti i saj në Shqipëri ishte mbyllur dhe po u rikthehej punëve të saj, por nuk ndodhi kështu.

Tri rastet e lobimit të Evi Kokalarit

“Erdhi, iku. Erdhi iku. Erdhi iku”, disa herë. Sepse kishte një aktivitet dhe një agjendë të qartë në Tiranë. Një agjendë të qartë lobimi.

CNA.al e ka vërtetuar në të paktën tri raste.

Tri rastet e lobimit të Evi Kokalarit

Së pari, zonja Kokalari u shfaq në Tiranë, në krah të ish-Kryeministrit Sali Berisha, duke theksuar se Berisha duhet të rikthehet në krye të PD-së. A nuk është ky një lobim për Berishën, ndërkohë që ai ishte shpallur "non-grata" dhe në krye të PD-së, ishte Lulzim Basha?

Së dyti e ka bërë me një postim të sajin. Kur thotë “duhet të kishim lobuar më shumë”, për disa persona që nuk u zgjodhën në Këshillin Kombëtar të PD-së, që janë një grup afër saj.

Tri rastet e lobimit të Evi Kokalarit

Së treti, është ajo që ka deklaruar publikisht se ajo ka lobuar kundër Belind Këlliçit. Pra, është një lobim i pastër.

Tri rastet e lobimit të Evi Kokalarit

Janë të paktën tri raste të lobimit.

Në lidhje me pretendimet e saj për mesazhet e publikuara nga CNA.al për mbledhje fondesh me ish-ambasadorin Grenell, për ne datat nuk kanë asnjë lloj rëndësie.

Se është data sipas mesazhit të saj apo ajo që është bërë 'printscreen'. Pra, ditën kur është bërë fotografia. Sepse ne nuk kemi thënë që Kokalari ka vjedhur fonde. Nuk kemi thënë që ka abuzuar me fonde, nuk kemi thënë që i mori lekët e Grenell-it dhe i futi në xhepin e saj. Jo, fare.

Kemi theksuar se zonja Kokalari bën lobim. Dhe në SHBA, që të lobosh duhet të regjistrohesh në Departamentin e Drejtësisë.

Sipas kërkimeve që ne kemi bërë, nuk rezulton se zonja Evi Angelakis, siç pretendon se e ka emrin në pasaportë, të ketë deklaruar te "FARA.gov", se është lobiste. Se merr para për lobime, e të tjera si këto.

Tri rastet e lobimit të Evi Kokalarit

Janë tri faktet e mësipërme që i kemi provuar. I katërti sipas saj nuk ekziston, sepse ka ligje SHBA-ja.

Po, pikërisht për ligjet e SHBA-së po flasim.

A i keni deklaruar lobimet e Shqipërisë?

Dhe ne, kemi shtruar shumë pyetje dhe kemi publikuar çdo status të Evi Kokalarit, edhe kur na ka fyer, edhe kur na ka sharë. Por, pa asnjë shqetësim. Thjeshtë dhe vetëm ne kemi raste lobimi të Zonjës në fjalë.

Në SHBA, këto duhen deklaruar dhe ka ligje shumë të rrepta.

Tani Zonja, as nuk ka pse mërzitet, as nuk ka pse inatoset apo të gjejë fantazma, se e shtyn filani e fisteku. Ne kemi një mision. Thjeshtë dhe vetëm të vërtetën.

Zonja Kokalari të na thotë, a i ka deklaruar në SHBA lobimet në Shqipëri?

Me çfarë lekësh erdhi dhe jetoi disa javë apo disa muaj në Tiranë? Në një nga hotelet më luksoze.

Kush ia pagoi shpenzimet?

Cili është burimi i të ardhurave?

A duhen deklaruar këto në Departamentin e Drejtësisë?

Këto janë të gjitha. Nuk kemi asgjë me Zonjën në fjalë.

Na kërcënoi me padi në gjykata. Rruga e mbarë, takohemi në gjykatë. Por, të vërtetën Zonja Kokalari duhet t’ua thotë shqiptarëve.

Ne i kemi bërë disa pyetje, të cilat janë me interes për publikun, sepse u paraqit si një lobiste në Shqipëri.

U “vërsul” ekraneve. Mbajti dhe qëndrime, të cilat janë në shkelje të ligjeve të SHBA-së. Sepse ke të tjera detyrime kur je qytetare e saj.

Prandaj ne po i kërkojmë të na sqarojë publikisht disa pyetje, të cilat, për të qenë edhe më të vërtetë, ia kemi përkthyer edhe në anglisht, dhe ia kemi publikuar si gjithçka tjetër.

Prandaj, për ata që duan të kuptojnë të vërtetën, është thjeshtë dhe vetëm një. Zonja Kokalari ka frikë se në SHBA mund të hetohet për lobimet që ka bërë në Tiranë, dhe kjo është arsyeja e vetme që e ka nxehur kaq shumë, që e ka bërë kaq të turbullt që të krijojë skenare, të sulmojë njerëz, të akuzojë kur problemin e ka ajo dhe askush tjetër, veç saj./CNA.al





Lajmet e fundit nga