web counter
LEXO PA REKLAMA!

SHKARKO APP

App Store
Google Play

E fundit!

x

Nuk fitoi garën për nënkryetar të PD/ Këlliçi: Përballë kisha tri figura me peshë në parti

13 Qershor 2022, 21:47, Politikë CNA
Nuk fitoi garën për nënkryetar të PD/ Këlliçi:
Belind Këlliçi

Anëtari i Kryesisë dhe deputeti Belind Këlliçi ka folur pse nuk arriti të fitonte garën për nënkryetar të Partisë Demokratike.

Në një intervistë për "Çim Peka Live", Këlliçi tha se ishte vota ajo që përcaktoi, ndërsa shtoi se në garë ndodheshin tri figura me peshë dhe të nderuara të Partisë Demokratike si Luçiano Boçi, Agron Shehaj dhe Oerd Bylykbashi.

Me votat e anëtarëve të Këshillit Kombëtar, nënkryetar të PD u zgjodhën Luçiano Boçi dhe Oerd Bylykbashi.

"Kam dalë më i votuari për Kryesinë. Në zgjedhjet e një jave më pas, mund të faktoni që deri 2-3 orë para votimit, nuk kam kërkuar mbështetje dhe nuk kam lobuar për asnjë funksion. Zoti Berisha më kërkoi të kandidoja për nënkryetarin e PD, jam ndier i vlerësuar. Kam qenë në garë me tre kolegë të nderuar, nuk ka asgjë, nuk kam marrë votëbesimin për të qenë një nga dy nënkryetarët e PD. S'ka asnjë problem, çështja është zgjidhur me votë, nuk e kuptoj pse duhet të ketë një zhurmë kaq të madhe. U vendos me votë, doli zoti Boçi dhe Bylykbashi të dy figura të respektuara dhe të nderuara të PD për të cilët kam shumë respekt dhe konsideratë e nuk ka asnjë problem, sa kohë është vota si mekanizëm.

Unë si Belind nuk kam pasur asnjë kontestim. Kam respektin maksimal qoftë për dy nënkryetarët, qoftë për Sekretarin e Përgjithshëm zotin Noka, për këdo që ka hyrë dhe ka qenë pjesë e garës. Sa kohë ka qenë një proces korrekt, transparent që nuk është cenuar asnjë votë, nuk është cenuar vullneti i askujt", u shpreh Këlliçi./E.K-CNA.al





Lajmet e fundit nga