E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Menaxhimi i Krizave/ Komisioneri i BE: Mbështesin anëtarësimin e Shqipërisë në këtë mekanizëm

13 Qershor 2022, 17:21, Politikë CNA

Menaxhimi i Krizave/ Komisioneri i BE: Mbështesin anëtarësimin e

Komisioneri i BE-së për Menaxhimin e Krizave, Janez Lenarçiç

Komisioneri i BE-së për Menaxhimin e Krizave, Janez Lenarçiç tha se e mbështet vendimin e Shqipërisë për t’u anëtarësuar te ky mekanizëm.

Në një konferencë të përbashkët me kryeministrin Edi Rama, ai tha se Shqipëria është mbështetur nga Europa, ku solli në vëmendje ndihmën që erdhi së fundmi nga Greqi për fikjen e zjarrit në Sazan.

“Aeroplani nga Greqia që erdhi për të shuar zjarret në Sazan, ajo që mund të mësojmë nga këto fatkeqësi, por edhe të tjera, si përmbytje apo zjarre, gjëja e rëndësishme është që Shqipëria ka pasur mundësinë të mbështetet te solidariteti Europian, mekanizmi i BE për Mbrojtjen Civile, përmban edhe disa shtete të tjera pjesëmarrëse, Islanda, Norvegji, Turqi, Serbi, Maqedoninë e Veriut dhe Malin e Zi, disa mungojnë dhe njëra prej tyre është Shqipëria, ju sot keni vendosur që të më dorëzoni kërkesën zyrtare që Shqipëria të bëhet shtet pjesëmarrje të mekanizmit për Mbrojtjen Civile. Unë e mbështes, që Shqipëria të ketë mundësi të jap solidaritetin e vet kur ka nevoja, do të vijojmë punën tuaj dhe më lejoni që t’ju dorëzoj një rrugëtim që ne mendojmë që duhet ta përmbushim duke bashkëpunuar me njëri-tjetrin”, tha Lenercic.

Gjatë konferencës Komisionieri u pyet lidhur me fondet e shpenzuara të BE-së, ku ky i fundit u shpreh se fondet për rindërtimin e tërmetit janë shpenzuar mirë.

'Nesër në mëngjes unë do të shkoj për vizitë në disa struktura që janë financuar nga BE për rindërtim. Do të shkoj në një kopsht në Durrës, që gjithsej 75 mln euro janë dhënë nga fondet dhe të 11 bashki kanë përfituar nga këto fonde.

Në këtë mënyrë rreth 20 mijë nxënës dhe mësues përfitojnë nga këto fonde pas tërmetit.

Nga informacionet që kam unë, fondet janë shpenzuar mirë, jo të gjitha sepse nuk kanë përfunduar proceset.'- tha komisioneri ndër të tjera./E.K-CNA.al