web counter
LEXO PA REKLAMA!

SHKARKO APP

App Store
Google Play

E fundit!

x

Berisha analizon sjelljen e Ramës në Samit/ ‘Ndërhyrja si Tak Ngjela para Sholcit'

12 Qershor 2022, 21:43, Politikë CNA
Berisha analizon sjelljen e Ramës në Samit/ ‘Ndërhyrja si
Ish-kryeministri Sali Berisha

Ish-kryeministri Sali Berisha ka sulmuar kryeministrin Edi Rama për paraqitjen dhe sjelljen e tij në samitin e Europës Juglindore, të mbajtur në Greqi.

Me anë të një statusi në rrjetet sociale, Berisha deklaron se Rama është sjellë edhe te ky samit si karagjoz dhe i lajthitur, ashtu siç pretendon se bën në të gjitha samitet ndërkombëtare.

Kryetari i demokratëve dënon sjelljen e kreut të qeverisë dhe garanton shqiptarët se PD do t’i rikthejë përfaqësimit të tyre dinjitetin e munguar këto vite.

“Rama hokatari pa kripe i takimeve te nivelit me te larte!

Te dashur miq, pas skandaleve protokollare ne takimet e nivelit me te larte, paraqitjes se tij me atlete, çitjane etj, per te cilat perjashtohej nga fotot familjare te samiteve siç ndodhi ne Mal te zi ne samitin rajonal me zevendes presidentin e SHBA, Pence apo spotet tallese ndaj tij nga rrjetet televizive me te madha te botes si BBC, Edi Rama vazhdon te sillet ne keto samite si karagjoz i rrjedhur dhe pakorrigjueshem.

Keshtu ai si nje hokatar i dale boje ne samitin e fundit te Europes Juglindore ne momentin kur kancelari Scholz i jep doren kryeministrit te Maqedonise se Veriut, Rama nderhyn dhe sikur te ishte Tak Ngjela i paraqet Kancelarit kryeministrin Kovaçevski duke shtuar: nga Bullgaria perendimore. Kjo deklarate pa mend e nje njeriu qe eshte bere gaz i takimeve nderkombetare ka krijuar perplasje serioze ne Shkup midis qeverise dhe opozites dhe u be nje lajme negativ per samitin e udheheqesve te vendeve te Europes Juglindore qe u mbajt ne Selanik.

Duke denuar kete sjellje te denje per tipa karagjoz e te lajthitur, garantoj shqiptaret se Partia Demokratike do ti riktheje perfaqesimit te tyre dinjitetin e munguar keto vite qe ata meritojne. Sb”, shkruan ish-kryeministri./ B.A. – CNA.al





Lajmet e fundit nga