web counter
LEXO PA REKLAMA!

SHKARKO APP

App Store
Google Play

E fundit!

x

Agim Kajmaku “zgjon kurtizanët” e Bashës/ Luli flet me “gojën” e Gazment Bardhit

12 Qershor 2022, 12:08, Politikë CNA
Agim Kajmaku “zgjon kurtizanët” e Bashës/ Luli flet me
Ish kreu i PD-së, Lulzim Basha, dhe deputeti i PD-së, Gazment Bardhi

Agim Kajmaku ka zgjuar sot disa nga deputetët e PD-së.  Pas Enkelejd Alibeajt, ka reaguar edhe Gazment Bardhi, emri i të cilit lakohet si i lidhur ngushtë me ngjarjen e 21 prillit 2021 në Elbasan, ku mbeti i vrarë, Pjerin Xhuvani.

Me anë të një postimi në rrjete sociale, Bardhi shkruan se Edi Rama është përgjegjës për kriminalizimin e qeverisjes qendrore dhe lokale. Ai nuk mund të fshihet dhe nuk mund t'i ikë përgjegjësisë së tij.

Sipas tij, Edi Rama e emëroi Agim Kajmakun kryetar të Bashkisë së Vorës dhe ai do të ishte sot në detyrë nëse PD-ja nuk do të kishte denoncuar të shkuarën e tij kriminale.

Bardhi me tej ka shkruar për Vettingun në politikë, një temë kjo që ish-kreu i PD-së, Lulzim Basha, e kishte refren.

“Që nga muaji tetor 2021 Edi Rama ka bllokuar iniciativën e PD për vettingun e politikës. Sot më shumë se kurrë ajo iniciativë duhet të ecë përpara, duke garantuar jo vetëm largmin e të inkriminuarve nga qeverisja, por edhe shkëputjen e lidhjeve mes krimit dhe politikës”, shkruan Bardhi në rrjete sociale./CNA.al





Lajmet e fundit nga