LEXO PA REKLAMA!

SHKARKO APP

Zaloshnja publikon rezultatet e sondazhit/ Presidenti Begaj, goxha përtej sinorit socialist

11 Qershor 2022, 17:10, Politikë CNA
Zaloshnja publikon rezultatet e sondazhit/ Presidenti Begaj, goxha përtej
Analisti Eduard Zaloshnja

Analisti Eduard Zaloshnja ka bërë një sondazh lidhur me zgjedhjen e gjeneralit Bajram Begaj si Presidet i ri i Republikës, pasi u propozua në këtë post nga mazhoranca.

Sondazhi ka pasur si qëllim që të dijë se për kë votuan vjet ata që e konsiderojnë Bajram Begajn një zgjedhje të goditur për President të Republikës.

Zaloshnja bën të ditur se 75% e të anketuarve që kishin votuar vjet për PD-AN dhe 29% që kishin votuar vjet për LSI-në, nuk ishin dakord me zgjedhjen e Begajt President.

Ai thekson se vetëm 2/3 ndër të anketuarit që ishin dakord me Begajn President, vjet kishin votuar për dy partitë e mazhorancës (PS e PSD), ndërsa pjesa tjetër kishin votur për LSI, PD-AN, ose nuk kishin votuar fare.

Sali Berisha deklaroi dje se zgjedhja e Bajram Begajt në postin e Presidentit të Republikës vulosi monizmin në Shqipëri. Por duket se nuk është i të njëjtit mendim Ilir Meta, i cili po dje zhvilloi një takim miqësor me pasardhësin e tij duke e uruar për suksese në detyrën e lartë, në interes të vendit dhe qytetarëve.

Kjo dikotomi qëndrimesh mes Berishës dhe Metës reflektohet edhe në një sondazh që publikova pas zgjedhjes së Begajt president nga Kuvendi i Shqipërisë (të anketuarit u kontaktuan krejt rastësisht, duke e dërguar linkun e pyetësorit me SMS në të gjithë territorin e vendit).

Kështu, 75% e të anketuarve që kishin votuar vjet për PD-AN nuk ishin dakord me zgjedhjen e Begajt president. Nga ana tjetër vetëm 29% e të anketuarve që kishin votuar vjet për LSI-në nuk ishin dakord me zgjedhjen e Begajt president.

Po si është panorama e gjerë e përkrahjes ndaj zgjedhjes së Begajt president?

Vetëm 2/3 ndër të anketuarit që ishin dakord me zgjedhjen e Bajram Begajt President të Republikës, vjet kishin votuar për dy partitë e mazhorancës (PS e PSD). Pjesa tjetër kishin votur për LSI, PD-AN, ose nuk kishin votuar fare (shihni grafikun më poshtë)”, deklaron analisti./ B.A. – CNA.al

Zaloshnja publikon rezultatet e sondazhit/ Presidenti Begaj, goxha përtej

Lajmet e fundit nga