web counter
LEXO PA REKLAMA!

SHKARKO APP

App Store
Google Play

E fundit!

x

Berisha bën thirrje urgjente/ Tregon si po grabiten qindra milionë euro

11 Qershor 2022, 12:49, Politikë CNA
Berisha bën thirrje urgjente/ Tregon si po grabiten qindra milionë
Sali Berisha

Kryetari i Partisë Demokratike, Sali Berisha, sot gjatë një takimi që po zhvillon me krerët e degëve, ka bërë thirrje për krijimin e një fronti opozitar, në të gjithë vendin.

Ai theksoi se vetëm kjo është mënyra për të ndaluar këtë “Qeveri moniste”, sikurse i drejtohet ai Rilindjes.

Ndërsa duke u ndalur te rritja e çmimeve, Berisha akuzoi Qeverinë se nëpërmjet të ashtuquajturit “Bordi i Transparencës”, u ka grabitur shqiptarëve në vetëm tre muaj qindra miliona euro.

“Këta 44 mijë luftëtarë kërkojnë të mobilizohen.

Kërkohet me çdo kusht ta zgjerojnë frontin. Kemi të bëjmë me një parti shtet, ajo përmbyset me një front opozitar dhe kjo është jetike për ne. Ne duhet të ecim për krijimin e tij në të gjithë vendin.

Përballë ne kemi një armik të egër i cili me vendosjen e monizmit, paraqitet për demokracinë, armiku më i rëndësishëm pas Enver Hoxhës. Ky është Edi Rama. A do ta pranojmë ne monizmin? Kurrën e kurrës.

A do vazhdojmë ne të qëndrojmë duarkryq apo vetëm me deklarata fb dhe dalje televizive para faktit tragjik të përdorimit të tiranisë së çmimeve kundër qytetarëve shqiptarë nga Qeveria.

Vetëm në 3 muaj iu grabitën 340 milionë euro, me çmimet që kanë diktuar.

Po, Qeveria merr 150 lekë më shumë për litër nafte TVSH, për shkak të rritjes së çmimit.

Sa ndan ajo me klientelën dhe oligarkët nuk e dimë. Por dimë sa paguajnë qytetarët shqiptarë”-tha Berisha.





Lajmet e fundit nga