web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ballës/ Prokuroria i ka provat, të tregojë si e shpërbleu Dumanin

10 Qershor 2022, 13:34, Politikë CNA
Berisha, akuza Ballës/ Prokuroria i ka provat, të tregojë si e
Taulant Balla

Ish-kryeministri Sali Berisha ka hedhur sërish sot akuza ndaj kreut të grupit parlamentar të PS-së, Taulant Ballës.

Gjatë një deklarate për mediat, Berisha tha se Prokuroria i ka të gjitha provat për bashkëpunimin e Ballës dhe Nuredin Dumanit. 

“Berisha nuk flet pa prova dhe fakte. Garantoj se do t’ia them në sy në parlament. Dumani ka disa javë që ka filluar të flasë. Unë ju them se do t’ia them në Parlament. Nuk ka nevojë t’ja jap unë prokurorisë, i ka të gjitha në dosje. Mund të thuash pse po i fsheh Prokuroria, sepse i ka në dosje. Do të them shumë të tjera. Unë do t’ia them në Parlament sy më sy. Atij dhe cilitdo. Ka opozitë të vërtetë. Çdo gjë dhe shumë të tjera. Ai duhet të tregojë si e shpërbleu Dumanin për ta shpëlarë nga akti i vendosjes së revoles…

Ata tregojnë që po e ka vendosur, dyshojnë sepse ky i ka kërkuar të marrin pjesë në fushatën e  tij elektorale dhe ai i ka thënë jo. Revolen ia kanë vendosur në një vend që e shihnin të gjithë. Për revolen e fshehur, pesë vetë janë në burg për këtë. Edhe kuptohet që revolen e kanë vendosur. Po si do e shihnin në një vend të dukshëm një revole krimi? E kanë zor për të gjetur një revole? Se s’mund ta hidhte ai në Shkumbin. Drejtësia vonon, por nuk harron. Kështu që Tao se ka punën mirë. Ka probleme me drejtësinë. Do të ketë, jua them unë juve. Ka dhe probleme të tjera ai. Do t'i bëj publike, por kur do t'i gjykoj unë. Ai gradualisht do të shkojë atje ku e meriton. Ka problem, është njeri me shumë probleme”, tha Berisha./CNA.al





Lajmet e fundit nga