web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Presidentit të ri/ Berisha: Rama kapi institucionin e fundit të mbetur jashtë PS-së

10 Qershor 2022, 12:22, Politikë CNA
Zgjedhja e Presidentit të ri/ Berisha: Rama kapi institucionin e fundit
Kreu i PD-së, Sali Berisha

Kreu i PD-së, Sali Berisha, ashtu si gjithnjë, të premten në një konferencë për mediat denoncoi zgjedhjen me vota të PS-së të Presidentit të ri, Bajram Begaj.

Sipas Berishës, mënyra se si shkoi procesi, do të thotë se vendi po shkon drejt monizmit.

“Në Shqipëri vendoset monizmi i plotë. Pas zgjedhjes më 6 qershor 2022 me votën vetëm të PS-së të Presidentit të Republikës, Edi Rama vendosi nën pushtetin e tij dhe institucionin e fundit që kishte mbetur jashtë kontrollit të tij dhe në vend u rivendos sistemi monist i plotë dhe u varros sistemi demokratik i bazuar në ndarjen dhe balancën e pushteteve të garantuar në Kushtetutë.

Kështu, sot në Shqipëri për herë të parë pas 31 vitesh të gjitha pushtetet pa përjashtim janë në duart e një njeriu të vetëm.

Ndodh në çdo pushtet legjislativ, gjyqësor dhe çdo institucion tjetër të pavarur. Në pushtetin ekzekutiv, çdo ministër, zëvendësministër, drejtor i përgjithshëm, është përfaqësues i një force të vetme, atë të PS-së”, është shprehur Berisha.

Kreu i PD-së ka shkuar edhe më tej, duke radhitur edhe një sërë institucionesh që sipas tij janë në dorë të PS-së.

“Kontrolli i Lartë i Shtetit, kryetari, drejtori i SHISH, ILDKPKI, Drejtues të Bordeve të Konkurrencës, Telekomunikacionit, funksionarët e këtyre institucioneve janë të emëruar nga PS-ja.

Sot në këtë shtet monist, kryetarët e institucioneve të drejtësisë, ILD, KLP, KPK, KPA, Prokurorisë së Përgjithshme, të gjithë gjykatësit e Gjykatës së Lartë, janë të përzgjedhur dhe emëruar nga mazhoranca e PS-së. Një total i tillë partiak nuk ka ekzistuar. Sot në Shqipëri, të gjithë drejtuesit e komisioneve parlamentare, të gjithë drejtuesit e delegacioneve parlamentare, janë deputetë të PS-së, dhe në raste të veçanta të veglave të saj, Basha-opozitarëve”,  ka thënë më tej Berisha./CNA.al

 





Lajmet e fundit nga