web counter
LEXO PA REKLAMA!

SHKARKO APP

App Store
Google Play

E fundit!

x

Krisafi zbulon takimet me Bashën e Ramën në 2009-ën/ Pse nuk u bëra pjesë e delegacionit të Detit

9 Qershor 2022, 22:34, Politikë CNA
Krisafi zbulon takimet me Bashën e Ramën në 2009-ën/ Pse nuk
Ksenofon Krisafi, ish-anëtari i ekipit negociator për marrëveshjen e Detit

Ksenofon Krisafi, ish-anëtari i ekipit negociator për marrëveshjen për kufirin detar me Greqinë, ka treguar mbrëmjen e sotme për takimet që ka zhvilluar në vitin 2009 me eksponentët politikë.

Krisafi ka kujtuar takimin që ka bërë me Lulzim Bashën në vitin 2009, kur ky i fundit ishte ministër i Jashtëm. Ai tregoi se në atë kohë nuk u bë pjesë në delegacionin për bisedimet me grekët.

“Ledia Hysi që më kishte zëvendësuar mua më tha një ditë, profesor do të bëhesh pjesë se do të nisim bisedimet me grekët për detin. Po i thashë, unë kam biseduar me italianë. Një ditë takoj zotin Basha që në atë kohë ishte ministër i Jashtëm te hotel 'Rogner'. I thashë që më thirri filania. O tha e mbaruam ne atë marrëveshje. Si mo e mbaruat? More e di sa kemi biseduar ne me italianët 12 vjet”, u shpreh ai në emisionin “Log”, ndërsa tregoi edhe arsyet pse nuk u përfshi në bisedime.

“Unë nuk u thirra sepse isha një nga ata që kisha fituar një përvojë të jashtëzakonshme. Asnjë nga kolegët e mi që morën pjesë nuk e patën këtë shans. Unë e pata se ndonjëherë rastësia ndikon në këto. Unë nuk u thirra as kur u bë Kreta dhe as Korça”, tha dekani i Fakultetit të Drejtësisë.

Më tej, Krisafi zbuloi për takimin e rastësishëm me Edi Ramën, i cili ka qenë kryetar i opozitës.

“Fidel Ylli më bën një ftesë. A vjen të hamë një drekë tha te 'Kullat Binjake'. Pak më tutje në një tavolinë ishte Rama kryetar i PS-së në opozitë, dhe disa të tjerë. Duke biseduar i thashë o Fidel ke dëgjuar se po bisedohet për këto marrëveshjen me detin me Greqinë, më tha po mos u merr me këto folklore ti. Dhe unë i tregoj atë të profesor Pashait.

Kisha kërkuar të takoj zotin Berisha, Topin, por ishte e pamundur. Doja t’u thoja që këtu nuk shkon diçka. Rastësia e solli që Rama ishte aty. Fideli më tha të shkoj ti them se është këtu, po i them unë. Edhe ai më priti me të njëjtën formulë edhe ti tha profesor me të njëjtin folklor. Dhe unë i tregova atë skicën. Spartak Ngjela që është jurist e kuptoi. U bind edhe zoti Rama. Ai ra dakord që çështja të stopohej. Mundësia e vetme ishte që çështja të kalonte në Gjykatën Kushtetuese”, theksoi ai./ B.A. – CNA.al





Lajmet e fundit nga