web counter
LEXO PA REKLAMA!

SHKARKO APP

App Store
Google Play

E fundit!

x

Berisha takim me intelektualët: Në 9 muaj ringritëm PD-në, duhet të hapemi drejt vlerave

9 Qershor 2022, 19:51, Politikë CNA
Berisha takim me intelektualët: Në 9 muaj ringritëm PD-në,
Berisha takim me intelektualët në Elbasan

Në takimin me intelektualët në qytetin e Elbasanit, Kryetari i PD-së  Sali Berisha, tha se PD brenda 9 muajve kaloi në një proces rithemelimi, duke e ringritur në këmbë partinë. “Në një hark kohor 9-mujor, ndoshta dhe të zgjatur më shumë se duhej, PD kaloi një proces rithemelimi. Vendosi disa rregulla, ndryshime thelbësore statutore, sot të gjithë drejtuesit tuaj janë tuajit, i keni zgjedhur vetë dhe nuk do të caktohen më nga ne. Kjo ka një vlerë të madhe, sepse zhdërvjelltëson format e përfaqësimit”, tha Berisha.

Duke u drejtuar të pranishmëve, Berisha tha se, “të zgjedhurit do t’u shërbejnë ju, dhe ky është hapi i parë i rëndësishëm, por ama, po ta marrim në realitet ne në këtë periudhë kemi ringritur në këmbë PD, se kishte kaluar nga disfata në disfatë, dhe në fund në mënyrën më të padenjë po shndërrohej në një shtojcë të PS-së”.

Sipas Kryetarit të Partisë Demokratike, këto arritje kërkojnë me etje të madhe hapjen e PD-së drejt vlerave, njerëzit që kanë ideale, të ndershëm, që e kuptojnë se dashuria për këtë vend është kusht elementar.

Berisha tha mes të tjerash se sot më shumë se kurrë, interesi kombëtar është vënë në rrezik, si asnjëherë më parë. “Sot më shumë se kurrë ky interes është në kërcënim, kjo është një e vërtetë absolute. Në memorien time nuk di një moment në të cilin interesi kombëtar i qytetarëve, biznesmenëve, e me radhë, të jetë përkeqësuar, rrokullisur sinkronisht në këtë mënyrë”, tha ai./CNA.al





Lajmet e fundit nga