web counter
LEXO PA REKLAMA!

SHKARKO APP

App Store
Google Play

E fundit!

x

Përjashtimi nga seanca/ Reagon Spaho: Nuk skuqen nga sharjet e kryeministrit, i trembin sulmet politike

9 Qershor 2022, 18:55, Politikë CNA
Përjashtimi nga seanca/ Reagon Spaho: Nuk skuqen nga sharjet e
Deputeti i Partisë Demokratike Edmond Spaho

Deputeti i Partisë Demokratike, Edmond Spaho, ka reaguar menjëherë pas vendimit të mazhorancës për përjashtimin e tij nga seanca parlamentare.

I pyetur nga CNA.al pse erdhi ky vendim nga drejtuesit e parlamentit, cila ishte akuza që i preku më shumë ata, Spaho shprehet se: “Unë ju tregova me shifra dhe fakte se nga rritja e çmimeve po fitojnë oligarkët e kartelët, por më shumë nga të gjithë po fiton qeveria, e cila në  4 muaj ka mbledhur 340 milionë $ më shumë në buxhet se një vit më parë.

Populli paguan naftën me 2600 lekë/litri, vajin 29% me shtrenjtë, transportin 27% më shtrenjtë, bukën 18% më shtrenjtë e kështu me radhë. Mirë që çmimet kanë shkuar në stratosferë, por duhet të dëgjosh qeverinë të thotë që çmimet do të vazhdojnë të rriten dhe populli është i lumtur, sepse rriten çmimet. Këta njerëz nuk mund të jenë veç bastardë dhe me ta ka efekt vetem gjuha e forcës”.

Më tej deputeti i PD-së, kujton se “dy javë më parë kryeministri m'u drejtua me fjalë të ndyra në prezencë të ministreve të tij dhe askush nuk u shqetësua apo të skuqej nga ai fjalor. Sot kur i sulmon politikisht të përjashtojne nga seanca”./CNA.al 





Lajmet e fundit nga