web counter
LEXO PA REKLAMA!

SHKARKO APP

App Store
Google Play

Berisha 'shpërthen' ndaj Nikollës/ E ke kthyer Kuvendin në dyqan rrobash, është mbushur me Dumanë

9 Qershor 2022, 16:57, Politikë CNA
Berisha 'shpërthen' ndaj Nikollës/ E ke kthyer Kuvendin
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar ashpër ndaj kryetares së Kuvendit, Lindita Nikolla.

Berisha tha se Nikolla e ka kthyer Parlamentin në një dyqan rrobash, ndërsa pretendon se ka drejtimin më banal si kurrë ndonjëherë, në historinë 31-vjeçare.

Sipas tij, Parlamenti është mbushur me Nuredin Dumanë dhe me megababagjyshër.

“Ky Parlament në 31 vite është parlamenti më i neveritshëm në përbërjen e tij. Është i mbushur me Dumanë, megababagjyshër. Ky Parlament si kurrë ndonjëherë në historinë 31-vjeçare ka drejtimin më banal, funksionon si dyqani personal i Lindës, që po të ishte për veshje personale, do preferoja i zhveshur të rrija dhe të mos blija kurrë.

Nuk ka Kushtetutë që nuk shkel zonja për të mbrojtur Edi Ramën. Do mbetet famëzi sepse me votën e pseudomazhorancës, dorëzimin për herë të parë të të gjitha pushteteve. Ekzekutiv, legjislativ, gjyqësor. Mbi të gjitha pyes veten se si mund të rri në një sallë me një njeri që e shndërroi Tiranën në Beogradin e vogël.

Ka rrethuar Kosovën me projektin ruso-serb. Një njeri që refuzon të njohë genocidin në Srebrenicë, nuk stepet përpara masakrës. Çdo ditë unë e pyes veten se si mund të rri në një sallë me një njeri që ka interest serbe dhe antishqiptare. Kushdo që dëgjon këto vlerësime mund të pyesni, çfarë do ti Sali në Parlament. Unë do vij këtu se këta qeveritarë vetëm ju mashtrojnë. Këta ministra, me kreun e tyre në çdo firmë që hedhin, vetëm ju vjedhin”, theksoi kreu i PD-së./ B.A. – CNA.al





Lajmet e fundit nga