web counter
LEXO PA REKLAMA!

SHKARKO APP

App Store
Google Play

E fundit!

x

Komisioni Hetimor për Investimet Strategjike/ Kuvendi rrëzon kërkesën

9 Qershor 2022, 10:21, Politikë CNA
Komisioni Hetimor për Investimet Strategjike/ Kuvendi rrëzon
Foto ilustruese

Kuvendi ka rrëzuar kërkesën për të futur në rendin e ditës diskutimin për ngritjen e një Komisioni Hetimor Parlamentar për Investimet Strategjike.

Ndërkohë, deputeti Enkelejd Alibeaj e akuzoi Nikollën se nuk po respekton rregulloren e Parlamentit dhe ky është një turp për  Qeverinë.

"Kalimi kështu në mënyrë të fshehtë shpejt e shpejt nuk iu bën nder as juve dhe as parlamentit. Ndaj zonjë duhet të respektoni rregulloren e Parlamentit."-tha Alibeaj.

Ndërsa kryetarja e Kuvendit e hodhi në votim kërkesën, e cila u rrëzua menjëherë me votat e shumicës.

"Ajo që thoni ju se kërkesa paraqitet për miratim në seancën plenare më ta afërt por jo më larg se 15 ditë. Pra jemi konform rregullore dhe ligjit.  Po bëni kërkesë për futjen në rendin e ditës? Nuk miratohet nuk futet në rendin e ditës. Zotëri jemi në procedurën e votimit siç na përcakton rregullorja dhe ligji përkatës neni 47 dhe neni i 7 i rregullores."-theksoi Nikolla.

Por, pas kësaj ka reaguar sërish Alibeaj, i cili u shpreh "Zonjë, ju lutem qetësohuni pak dhe pyesin dhe administratën tuaj për rregullshmërinë e mbarëvajtjes së seancës. Nuk ka qenë në rendin e ditës kjo pikë deri para 5 minutash. Ka disa rregulla si futet një çështje në rendin e ditës së seancës. Ju hodhët në votim një çështje pa kërkesë, vendosët mos të futet në rendin e ditës. Keni bërë një gjë me mënd në fakt se kjo çështje kërkon diskutim nga ne që e propozuam. Deputetët duhet të përgatiten. Kështu që ne nuk e kuptojmë këtë ngutjen tuaj. Ne duam ti jepet mundësia të gjithë deputetëve sepse është një çështje që u përket qytetarëve. Të drejtën për diskutim nuk mund të na e hiqni."/CNA.al





Lajmet e fundit nga