LEXO PA REKLAMA!

SHKARKO APP

“Fluturojnë” çmimet/ Ironizon Këlliçi: Lufta në Ukrainë paska efekt vetëm mbi Shqipërinë

8 Qershor 2022, 15:04, Politikë CNA
“Fluturojnë” çmimet/ Ironizon Këlliçi: Lufta
Deputeti i PD, Belind Këlliçi

Deputeti i PD, Belind Këlliçi ka reaguar në lidhje me rritjen e çmimit të karburantit, në Shqipëri.

Në një postim në rrjetet sociale, Këlliçi shkruan se karburanti në Shqipëri, është më shtrenjtë se në Luksemburg.

Më tej, ai ironizon Qeverinë, ndërsa thekson se lufta në Ukrainë paska patur efekt vetëm mbi Shqipërinë.

Karburanti në Shqipëri më shtrenjtë se në Luksemburg!

Ama disi më lirë se në Singapor, vendet skandinave dhe Hong Kong, do mburret qeveria.

Më shtrenjtë se kudo në Ballkanin Perëndimor.

Lufta në Ukrainë paska patur efekt vetëm mbi Shqipërinë.

Ndërkohë Partia e Inceneratorëve organizon ahengje. Hapja e një picerie me kafshë plastike, e quajtur kopësht zoologjik, është një arritje e madhe e Rilindjes Socialiste.

Një radhë e gjatë makinash, në dukje ndaluar në shenjë proteste për çmimet e karburanteve, prisnin me durim hyrjen në picerinë zoologjike.-shkruan Këlliçi./CNA.al

Lajmet e fundit nga