LEXO PA REKLAMA!

SHKARKO APP

E fundit!

x

“Ballkani i Hapur”/ Escobar, mesazh të fortë shteteve të Rajonit  

8 Qershor 2022, 11:10, Politikë CNA

“Ballkani i Hapur”/ Escobar, mesazh të fortë shteteve

I dërguari special i Shteteve të Bashkuara të Amerikës për Ballkanin Perëndimor, Gabriel Escobar, në një video-mesazh drejtuar Samitit për “Ballkanin e Hapur”, ka përcjellë mesazhe të forta.

Ai deklaroi se SHBA-ja është pro kësaj nisme, ndërsa kërkoi që edhe shtetet e tjera të Rajonit, përfshirë Kosovën, të bëhen pjesë e kësaj nisme.

“Ne kishim një dialog të suksesshëm dhe do të bëjmë çdo gjë për stabilizimin e rajonit dhe të krijojmë mundësi të reja për qytetarët e Ballkanit Perëndimor.  SHBA-ja nuk e sheh BP nga një pikë e problemeve që kanë ndodhur shekullin e kaluar, por nga pritshmëritë e shekullit që jemi. Ballkani Perëndimor ka mundësi të mëdha, me të gjitha pasuritë dhe resurset e mahnitshme.

Në do t’ju ndihmojmë që ju ta ndërtoni të ardhmen. Rajoni ka potencial që të jetë qendër e energjisë, që do të ndihmojë të luftojmë ndryshimet klimatike. Ka kapacitet të jetë qendër e gazit natyror. Ballkani Perëndimor është pjesë e Europës që ka rritjen më të madhe. Ne do t’i lehtësojmë punët. SHBA-jae përkrah këtë nismë të ‘Ballkanit të Hapur’.  Ne i përkrahim të gjitha iniciativat ekonomike që afrojnë vendet dhe promovojnë paqe dhe zhvillim. Secila iniciativë për një integrim ekonomik duhet të përfshijë të 6-ta shtetet”, tha Escobar./CNA.al

 

Lajmet e fundit nga